O 14 de maio, os alumnos e alumnas de terceiro e cuarto acudiron á Biblioteca De Pontecesures para disfrutar do espéctaculo “Contos do Mundo”, realizado por Solidariedade Internacional de Galicia, dentro do programa de dinamización da lectura “Ler conta moito”, promovido pola Secretaría Xeral de Cultura, Educación e Ordenación Universitaria, a través da Rede de Bibliotecas Públicas de Galicia en colaboración cos concellos.

O martes 12 de maio tocoulle visitar a Biblioteca De Pontecesures aos nenos e nenas da Escola Infantil Municipal, dentro do programa de dinamización da lectura “Ler conta moito”, promovido pola Secretaría Xeral de Cultura, Educación e Ordenación Universitaria, a través da Rede de Bibliotecas públicas de Galícia en colaboración cos concellos. Disfrutaron moitísimo co espectáculo “A ciencia é divertida” da compañía Nita.

Hoxe luns, 11 de maio, levouse a cabo na Biblioteca Municipal de Pontecesures a primeira das actividades do programa de dinamización da lectura “Ler conta moito”, promovido pola Secretaría Xeral de Cultura, Educación e Ordenación Universitaria, a través da Rede de Bibliotecas públicas de Galícia en colaboración cos concellos. Nesta ocasión, foi a compañía “Intres” a que representou a actividade “O sono do rato”, dirixida a alumnos de educación infantil.

“Tarabelos” visitou a BPM López Cortón de Cedeira co espectáculo “O Traxe Novo do Rei”.

Un espectáculo con títeres que conseguiu que os nenos asistentes estivesen atentos durante os cuarenta e

cinco minutos que durou.

Marta Ortiz, da compañía “Tropa de Trapo”, ofreceu o venres 5 de xuño ocontacontos musical “Cores” con obxectos de reciclaxe e música.

Deste xeito conmemoramos o Día Mundial do Medio Ambiente e aproveitamos para facer a entrega dos premios do concurso de fotografía medioambiental e relato curto impulsados dende o centro de lectura.

OLYMPUS DIGITAL CAMERA

Os nenos escoitaron os contos e bailaron ao ritmo da música cuns pasos aprendidos previamente.

Tivemos o pracer de acoller nunha Mediateca chea de maiores e pequenos a Carmen Domech, que veu acompañada dos seus contos dos que se pode agardar calquera cousa: contos que escupen auga ou lume, contos que falan, contos que perderon ás letras… pero sobretodo desfrutaron do pracer de escoitar e viaxar da man das historias que habitan nos contos.

Tódolos anos,cando se achega o verán, na biblioteca municipal Monte Alto festexa a chegada do bo tempo saíndo á praza, ao Campo de Marte: é a Bibliopraza. Alí xuntámonos grandes e pequenos a ler contos, xornais e revistas. E case sempre temos a sorte de que nos acompañe algún artista marabilloso.

Este ano veu Leo Leíño a ensinarnos uns trucos de maxia tan incribles que aínda estamos a intentar descubrir como os realizou. Coa súa maxia e as súas historias pasamos unha tarde moi divertida. Rimos moito, aprendemos un montón e logo puidemos levarnos á casa libros en préstamo da biblioteca, porque as bibliotecarias nolos levaron ata o parque amablemente.

Grazas a Leo Leíño e a súa axudante por esta tarde de maxia e contos!

O pasado venres día 5 de xuño tivemos en BiblioPazos a Leo Leíño co seu espectáculo “Maxia cómica” e contamos coa participación dos alumnos de Infantil do Centro Público Integrado “Curros Enríquez” de Pazos.

Velaquí unhas imaxes dun marabilloso e divertido día:

O sábado, 6 de xuño ás  12.00 h, Montse Rivera convidounos a viaxar no tempo coa súa preciosa actividade “Cóntoche un traxe”.

Exposición bibliográfica “Cóntoche un traxe” de Montse Rivera.

Todo o público que se deu cita na Biblioteca de Riveira, uns corenta nenos e nenas coas súas familias, agardaba con curiosidade a descubrir o que había debaixo duns panos negros que algo agochaban… Entrou Montse Rivera e comezou unha hora de descuberta e sopresas.

A orixe das nosas roupas, como e onde facían a súa roupa nos tempos de antes, e despois grazas á colaboración das voluntarias e voluntarios e coa doce voz de Montse cantando preciosas cantigas, fomos descubrindo peza a peza a roupa tradicional galega de traballo e de gala. Antes de despedirnos pasamos ao Salón de actos e vimos unha proxección doutros traxes co poema de Rosalía “A lingua que eu falo” de fondo, foi todo tan bonito!

E para rematar… fotos e máis fotos (unha preciosa sorpresa).

O pasado día 27 de maio tivemos na biblioteca a actuación de Teatro Calavera.  Representaron a  obra “O cociñeiro Antón e a pasteleira Tomasa”. Foi un espectáculo moi ameno e cheo de sorpresas que gustou moito a maiores e pequenos.

Ó rematar houbo un obradoiro moi divertido de decoración de magadalenas con fondant, onde os máis cativos aprenderon esta técnica de pastelería.