Tras o seu paso pola ALM de Oubiña, hoxe tocoulle o turno aos rapaces da ALM de Vilariño de poderen gozar do contacontos mesturado con maxia de Expresións Producións.
A actividade “Conto contigo”, que resultou moi divertida, enmárcase dentro da programación adicada ás Letras Galegas neste mes de maio.
Hoxe, martes 12 de maio pasamos unha fermosa tarde recordando o Libro da Selva en Baio (Zas) da man de Títeres Cachirulo
Títeres Cachirulo – Libro da selva 1
Títeres Cachirulo – Libro da selva 2
Títeres Cachirulo – Libro da selva 3
O pasado sábado 9 de maio, dentro dos actos programados para a celebración das Letras Galegas, a biblioteca Casa dos Fraga programou unha fermosa contada moi especial da man de Migallas e os seus Contos do chupete, para os socios máis pequerrechos da biblioteca municipal.
Ao ritmo de “Samba samba leré…” ou “Pachín pachán pachón… a gabaranciño non pisedes” e mesmo “Os sapatos piden medias… as medias piden sapatos”… acabamos todos, grandes e pequenos, cantando no xardín da biblioteca… sen dúbida foi unha mañá de conto!
O pasado luns 11 de maio, comezamos na ALM de Oubiña a celebración das Letras Galegas 2015 nos centros culturais do municipio de Cambados.
Grazas ao programa da Xunta de Galicia, Ler conta Moito, puidemos gozar do bo facer de Expresións Producións e o seu espéctaculo de animación á lectura “Conto Contigo” que inclúe contacontos, títeres e maxia… resultou moi divertido!
O luns 11 de maio Rois os 165 nenos e neas de Rois entre 2 e 8 anos gozaron do espectáculo dos Monicreques de Kukas.
O alumnado regresou aos seus centros educativos cun peculiar helicóptero de papel, agasallo do protagonista da función.
O sábado 9 de maio ás 12:00, tivemos na sala infantil da biblioteca unha sesión de Contos do Mundo a cargo de Solidariedade Internacional. Ademais de escoitar un conto, os asistentes puideron coñecer curiosidades de Centroamérica.
O 6 de maio, na biblioteca municipal Monte Alto (A Coruña) puidemos gozar da tenrura do artista Pablo Díaz. Contounos contos, ensinounos poemas e cantamos cancións do seu último traballo: “Xente miúda moita fartura“.
Pablo Díaz é un dos nosos artistas favoritos. Sabe tratar os nenos con paciencia e agarimo, atendelos e xogar con eles. Bebés e maiores quedamos encantados coa súa visita, esperamos volver a velo pronto. Grazas, Pablo!
Anxo Moure achegouse coa súa titiricleta ata a biblioteca municipal para deleitar aos cativos dos colexios de Ponteceso e Corme coas súas divertidas historias. Moure fíxonos partícipes dos seus relatos e acabamos cantando e bailando xuntos.
O venres 8 de maio, as historias de Pepiña Maruxiña acompañaron ás nenas e aos nenos da Biblioteca municipal da Silva (Cerceda). Un espectáculo que encantou
As historias de Pepiña Maruxiña na Biblioteca municipal da Silva (Cerceda)
As historias de Pepiña Maruxiña na Biblioteca municipal da Silva (Cerceda)
As historias de Pepiña Maruxiña na Biblioteca municipal da Silva (Cerceda)
Desfrutamos cos ‘Contos ao revés’ de Xanela Ocio, nos que deron a volta aos roles dalgúns contos e relatos moi coñecidos, traballando con empatía e efectividade a igualdade de xénero.
Séguenos