As actividades da biblioteca comezaron o venres 15 de maio pola mañá cunha sesión de contacontos para os nenos e nenas do CPI a cargo de Marisa Irimia, quen lles mostrou toda a riqueza da tradición oral galega. Contos recollidos aquí e alá, contos escoitados dende nena nas sobremesas da casa dos avós, contos de animais e e contos de tema marabilloso, desenredados dende a saudade de Ramón Piñeiro; unha boa representación do xeito que ten a nosa xente de ver o mundo.

O día 18 de maio, continuando coa programación das Letras Galegas a Biblioteca contou coa actividade “Fotoconto”,  os nenos asistentes convérteronse en protagonistas dun conto, tiñan que escoller diversas palabras coas  que artellar a súa propia historia na que as súas  fotos foron as ilustracións do conto. Foi unha actividade chea de imaxinación e creatividade. Mentras os pequenos poñían toda a imaxinación as nais levaban máis dunha agradable sorpresa coas recreacións dos seus fillos.

O domingo día 17 de maio para festexar o Día das Letras Galegas, Migallas Teatro representaron o espectáculo “Merenda con pan de millo”, con narracións e cancións propias e tradicionais.

Os espectadores estiveron moi participativos cantando e bailando, tanto nenos como adultos.

A posta en escena foi sorprendente e cautivadora.

Raquel desenrolou a actividade a través de tres contos onde duendes, músicos e chivos fixeron a súa aparición.

Todo iso con música en directo.

Máxia Cómica de Leo Leiño. Salón de actos do Edificio Sociocultural de Pantón. 15 de maio de 2015

O día 18 de maio, continuando coa programación das Letras Galegas, tivemos na  nosa Biblioteca  a Sherezade Barjadí, para deleitarnos con “Palabras confeitadas”. A sesión estaba dirixida a nenos de 0 a 3 anos, que riron, desfrutaron e xogaron co conto e a montaxe que trouxo Sherezade.     

Que habería nesa maleta que traía Raquel Queizás? O que había na Maleta da Avoa eran moitos contos, de mouras e ouro, de trasnos e ogros papóns, contos de cantar e de papar.

O sábado, 16 de maio ás 12.00 h a Biblioteca de Riveira encheuse de nenos e nenas (e tamén de mamás, papás, avós, avoas…) que miraban curiosos para a misteriosa maleta. Comezou Raquel a contar cousas, a cantar a falar, e o público cos ollos arregalados viu como aparecían bonecas nacidas das mazarocas do millo ou culleres de pau que falaban coma nenas.

Unha mañá preciosa de contos de sempre para os nenos e as nenas de hoxe.

A viaxe de Irene a Guatemala (América Central)  foi a contada escollida para celebrar o Día das Letras Galegas na AML de Bóveda (Lugo).

Foi unha narración ben divertida, na que nos amosaron moitas cousas dese país: as súas costumes, a arte, as tradicións, o seu xeito de vida, etc…Todo iso a través de xogos, bailes, música, e como non, un conto precioso.

O domingo 17 de maio, para celebrar o Día das Letras Galegas, tivemos na Axencia de Lectura Municipal de Ribas de Sil unha sesión de contos dirixida a bebés de 0 a 3 anos.

Nesta sesión, os bebés tiveron un primeiro contacto coa palabra e cos libros.

Unha actividade moi orixinal, na cal os bebés e os maiores puideron disfrutar de contos, xogos de sombras, sons, agarimos, etc.

O pasado venres día 15 de maio, para festexar o Día das Letras Galegas o grupo Pavís Pavós estivo en Abegondo co seu espectáculo “Palma, repalma”. Foi unha tarde moi entretida, na que os máis cativos da casa  poideron escoitar contos e cancións tradicionais, os cales serviron para interactuar dunha forma moi divertida tanto para os nenos e nenas como para as súas familias.