O sábado 9 de outubro, Vicente Mohedano presentounos de maneira interesante e entretida imha sesión de divulgación arredor da idea de macho e masculinidade

A Biblioteca Municipal de A Illa de Arousa estivo este sábado 9 de outubro, con Olga Brañas e Pitusa Semifusa coñecendo os instrumentos da gran familia da música…

Unha tarde moi amena onde os rapaces e rapazas coas súas familias disfrutaron do seu espectáculo e puideron coñecer a través do seu traballo gran cantidade de instrumentos e a súa tipoloxía…

O pasado día 8 de outubro, con motivo do Día da Ciencia en Galicia, a Biblioteca Municipal de Dodro acolleu a sesión:  Mulleres Científicas por Ciencia Divertida.

Actividade, na que a través de experimentos, os pequenos puideron coñecer as grandes achegas de moitas mulleres (mulleres con nomes propios que cómpre coñecer) ao desenvolvemento da ciencia desde a antigüidade aos nosos días.

Montse Fajardo deu, o venres pasado, unha charla “A represión contra as mulleres”. Falounos, con fotografías e historias sobrecolledoras das mulleres, que por estar emparentadas con homes represaliados ou por a súa ideoloxía, sufriron a represión do golpe de estado de 1936. Tamén repasou as distintas tipoloxías de represión como agresións sexuais, tatuaxes na pel, rapas do cabelo… e as consecuencias que para as mulleres tivo a ditadura franquista, “que relegou á muller ao papel de esposa e nai”.

Charla amena e moi interesante.

O martes 28 de septembro, na Biblioteca de O Froxel “Francisco A. Vidal” de Arteixo, Ian & Elisa trouxéronnos maxia e sombras chinescas usando contos e fábulas como fío conductor facendo que grandes e pequenos disfrutasen dun fermoso e entretido espectáculo onde se fomenta o hábito da lectura como método para facer voar a imaxinación.

O xoves 28 de setembro na Biblioteca de caión acollemos a ciencia en movemento  co “Museo Cientifico”. Unha tarde chea de coñecemento, diversión e grandes descubrimentos para os máis pequenos pero tamén para os maiores.

A Asociación Lucense de Tempo Libre foi a responsable de impartir a actividade de Robótica educativa. Creatividade inspiradora. Coma o tempo de duración é de 120 min e a demanda foi xenerosa, ofreceron a posibilidade de facer dous grupos e incluso traballar máis tempo do pactado. As sesións resultaron moi amenas e instructivas. Construiron robots con pezas de lego  que animaron con movemento, luz e son  a través do  programa scrath, para o que lles facilitaron unha tablet. O monitor foi paciente, claro e moi organizado.

Recomendoa polo interese que esperta nos nenos/as e pola bo traballo e dispoñibilidade da Asociación Lucense de Tempo Libre.

Este luns 20 de setembro na Biblioteca Pública de Dorneda a compañía Sarabela Teatro presentounos ao ourizo cacho Naturizo e aos seus amigos do bosque. Xuntos aprendimos moitas cousas sobre a vida no bosque, o coidado do medio ambiente e a importancia de respectar a natureza, ademáis de pasar unha entretida e lúdica tarde de contacontos.

O martes 21 de setembro tivemos na Biblioteca Central Municipal de Cambre unha sesión ben interesante sobre as grandes aportacións de moitas mulleres ao desenvolvemento da ciencia desde a antigüidade aos nosos días. A compañía Ciencia en movemento trasladou ata Cambre o seu laboratorio para visibilizar dun xeito práctico e ameno a estas “Excelentes mulleres científicas”.

O 7 de setembro ás 20:00 h no espazo cultural da Igrexa da Madalena tivemos un contacontos da man de Tarabelos, titulado “Debulendo lendas”.

Os nenos coñeceron as lendas de persoaxes históricos e ficticios, coma María Pita, os gamusinos, a Coca, Breogán, etc…, á vez que ían debuxando coa súa imaxinación aos persoaxes das historias.