Nun local anexo á Biblioteca por causa das precaucións sanitarias preceptivas, levouse a cabo este obradoiro de curiosos experimentos científicos que deixaron aos rapaces de 5º e 6º de Educación Primaria do Colexio, cheos de asombro e quen sabe se dunha incipiente vocación científica. Estupenda realización cargo da entidade “Ciencia en Movemento”.
Un interesante documental que nos deu pé a unha interesante reflexión sobre a poesía galega contemporánea e ao importante papel das autoras dentro deste panorama literario, a través dun productivo coloquio.
O martes 20 de outubro, chegou a Biblioteca de O Froxel, ELECTRA MENÉNDEZ cun interesante obradoiro baseado en: “ESCULTURA EN PAPEL”.
A actividade consistiu na creación de personaxes e obxectos
con papel e cores brillantes que podían levar a casa para deleite dos seus pais.
A pesar da capacidade limitada e a distancia de seguridade, a actividade foi todo un éxito.
A luz e a visión protagonizaron este show científico-divulgativo de Vicente Mohedano na nosa Biblioteca. Combinando explicacións teóricas e experimentos, aprendimos moito do tema e divertimonos coñecendo cousas como os puntos cegos ou construindo unha bombilla.
O sábado 17 de Outubro tivemos a presenza de Animar-T que veu co seu espectáculo “A casiña de cartón”…
A actividade tivo lugar ás 18.00 h no Auditorio Municipal onde nenos e nenas acompañados e acompañadas dos seus familiares pasaron unha tarde divertida con Adela, a casiña de cartón e os animaliños que a acompañaron… tocando valores como a amizade, o respecto polo medioambiente e a reciclaxe.
Música, narración oral e baile acompañaron a tarde respectando as medidas Covid-19. Parabéns polo espectáculo. Moitas grazas a todos e todas!!
A Biblioteca de Dodro celebrou o 16 de outubro o obradoiro Robótica na biblioteca, coa escola Átomos.
Os participantes fixeron cadanseu robot, que despois levaron para a súa casa, unha pantalla facial, presenciaron o funcionamento dunha impresora 3D e aprenderon de forma divertida sobre tecnoloxía, electrotecnia, mecánica….
O grao de satisfacción dos asistentes foi elevado.
O xoves 15 de outubro os rapaces de Polo correo do vento visitaron a biblioteca Enrique Rivera Rouco nas Pontes. Aprendimos con eles moitas cousas sobre Ricardo Carvalho Calero e puidemos desfrutar dos seus debuxos. Os nenos e nenas tamén fixeron a súa propia caricatura do escritor que levaron para casa. Saíron moi ben.
O venres 2 tivemos xornada para a divulgación científica da man de Vicente Mohedano e o seu Be water!. Trátase dun show que combina explicacións teóricas con experimentos prácticos nos que o público asistente ten moito protagonismo. Partindo do concepto da auga, cubre un importante espectro de temas relacionados con este elemento. Unha estupenda forma de aprender e divertirse.
O venres, 9 de outubro, desfrutamos da Ciencia de Harry Potter de Ceo Aberto na biblioteca de Vilar de Santos.
Unha actividade moi interesante e con moi boa acollida entre os asistentes, na que a través de distintos experimentos, todos eles moi ben explicados por parte de David Ballesteros, puidemos percorrer o mundo creado por J.K. Rowling visto dende o punto de vista científico.
Durante o desenvolvemento desta charla científica, puidemos comprobar canto de realidade hai no relativo á maxia de Harry Potter e descubrir que cousas dese máxico mundo poderían ser factibles na realidade e cales se quedarían soamente en ficción.
Unha actividade sen dúbida moi recomendable.
Séguenos