Foi unha actividade amena e divertida onde os nen@s de Xermade aprenderon outros xeitos de buscar información en Internet, usando metabuscadadores e outros recursos descoñecidos para eles. A través dun entretido xogo de pistas e cos nenos distribuídos por equipos equilibrados foron conseguindo as respostas para resolver a clave final que lles permitiu chegar ao tesouro.
O venres, 23 de outubro, Maumarela impartiu o obradoiro “Crea fósiles de dinosauros” na biblioteca de Mera (Oleiros).
Plastilina, xeso, area e auga foron os ingredientes que utilizaron as nenas e os nenos para facer cadanseu fósil. Cada cativo fixo dous fósiles, un con forma de dinosauro do que vimos o resultado esa mesma tarde e outro cunha cuncha fosilizada nun vasiño pendente de descubrir nun prazo de tres días.
As nenas e os nenos quedaron verdadeiramente encantados con esta actividade e mostraron moito interese polos libros de dinosauros dispoñibles na biblioteca. Prestáronse todiños !!!
Cómo é posible que chegaran ata nós as pegadas dos dinosaurios?
Os rapaces de Maumarela amosáronnos cómo foi isto; por qué e cómo “nace” un fósil.
E despois nós mesmos poidemos experimentar facendo rocas, e ver cómo, co paso de dinosaurios variados e do tempo, nacían os nosos propios fósiles na Biblioteca.
Impresionante!
Noraboa por este marabilloso obradoiro.
Había unha vez na Biblioteca Pública Municipal… animais inventados!
Dende a loba con Rómulo e Remo, ata o Minotauro e pasando polo Grifo, descubrimos con Luis as lendas que orixinaran estes animais míticos, e mesmo dibuxamos as nosas diversas interpretacións dalgún destes animais fantásticos.
E despois de experimentar… tocou inventar!
Entre lápices, papeis e cores, e coa nosa imaxinación ben disposta, o catálogo de animais fantásticos xurdidos en Sarria resultou fascinante e variadísimo.
Estes recén descobertos animais, naturalmente, agora teñen tamén cada un a súa propia historia…
Dentro do seu periplo por Cambados, Pablísimo non podía deixar de visitar a ALM de Castrelo, onde os pequenos, e non tan pequenos, puideron gozar onte das divertidas historias que se mesturan no seu Contiario… non se pode celebrar mellor o Mes das Bibliotecas!
Velaí van algunhas fotos…
O Contiario de Pablísimo segue en ruta polas axencias de lectura de Cambados para celebrar o Mes das Bibliotecas… onte foi o turno de Corvillón, onde case 50 persoas gozaron de divertidas historias.
Deixámosvos algunhas imaxes que amosan o bo rato que pasaron…
O día 6 de outubro, chegaron á nosa Biblioteca, dous investigadores mariños, Tero e Lucho, da compañía “Os Quinquilláns”, que deleitaron ó público contando ás distintas hipóteses para dar explicación á orixe do sal na auga do mar. Tras representar o espectáculo, os dous tripulantes organizaron unha expedición aos fondos mariños levándose consigo ó público, onde descubrimos unhas fantásticas e luminosas especies mariñas.
Este luns, días 28 de setembro, na Biblioteca pública municipal “Mª José Ruso” de Dorneda, Concello de Oleiros, tivemos a gran sorte de porder contar con Maumarela que nos deleitaron co seu obradoiro Crea Fósiles de Dinosaurios.
Cubríronse todas as prazas e máis que tiveramos, os nenos e nenas aprenderon o que era un fósil e como podían eles facer un. De feito todos saíron co seu fósil e levaron tamén outro a medio facer que terán que rematar na súa casa nuns días, despois de que lles explicaran como e cando facelo.
Todo un éxito, Maumarela.
O pasado día 19 nas Pontes aprendimos algún trucos da man do Mago Richard e da súa Tecnomaxia. Os rapaces estiveron ben atentos tomando nota para despois poder repetir os trucos na súa casa. Foi toda una experiencia. Grazas ao mago Richard por facer que o pasásemos tan ben.
Os pasados venres 3 e 10 de xullo realizamos a través do programa Ler Conta Moito unha xincana fotográfica sobre un dos cambadeses de pro máis importantes, Ramón Cabanillas.
A través da fotografía, dous equipos de 14 nen@s en total, percorreron as rúas de Cambados relacionadas coa vida e obra do bardo de Fefiñáns, superando divertidas probas ao tempo de coñecían algo máis deste insigne escritor.
Ao remate, todos recibiron un diploma pola súa participación, desexando volver a repetir pronto esta interesante proposta.
Séguenos