Interesante sesión na que Avelino presenta os diferentes tipos de paxaros segundo as plumas, a feitura e os trinos, enlazado con contos e cancións. Moi pedagóxico e entretido.

O pasado martes a rapazada pasou unha hora moi entretida con Montserrat Rivera, que lle contou de forma mui amena de divertida que pezas tiña a roupa dos nosos devanceiros.

Como recordo puideron sacar unha foto para ver que ben lle queda o noso traxe tradiccional.

Na Biblioteca Municipal de Ares, fixemos un obradoiro do maís artístico.

Xuntámonos 18 lectores e dicidimos facer unas bolsas ben xeitosas

para os nosos libros.

Unha actividade moi artística e bonita para os nosos préstamos.

Saimos todos encantados coas nosas bolsas!

Este domingo gozamos co espectáculo do Mago Samuel “A maxia das letras” no C.C. Xaime Illa. Un espectáculo divertido e moi participativo.

Empregando a papiroflexia as rapazas e rapaces que acudiron este sábado 10 de maio ao obradoiro de Sheila García elaboraron un fermoso caderno cun código QR co que xeraron unha peza audiovisual. Desta maneira, unindo artes plásticas e tecnolóxicas os participantes elaboraron un precioso material co que uniron a tradición e a vangarda e repasaron a poesía popular, as cantigas, as cantareiras, os instrumentos tradicionais e as figuras clave da escena musical galega. Unha actividade do máis completa e divertida! 

Adiantándonos á celebración do Día das Letras Galegas o venres 9 de maio os rapaces e rapazas do Milladoiro viaxaron no tempo desde as Pandereteiras de Mensa ata as Tanxuguerias elaborando o seu propio material artístico no que no que grazas á inclusión de códigos QR as persoas participantes xerarán una peza audiovisual. Unha actividade preciosa para repasar a poesía popular e as figuras clave da escena musical galega.

O 25 de abril ás 19:00 horas  con motivo da celebración dos actos do Día do Libro contamos na B.P.M. de Valdoviño co espectáculo do Mago Teto “A MAXIA DOS CONTOS (CONTOS DE MAXIA)” con gran éxito de público familiar  no que as palabras e os libros foron o fío conductor das maxias e ilusións  que abraiaron a todo o público presente

O pasado venres, 25 de outubro, os 15 rapaces e rapazas que participaron neste obradoiro crearon verdadeiras xoias para anotar as súas lecutras nuns preciosos cadernos que decoraron coa método Zentangle que lles deu a coñecer Elisabet e que consiste no en trazar patróns repetitivos que crea belas imaxes e fomenta a tranquilidade e a concentración.

Neste obradoiro, que se levou a cabo na biblioteca de Bertamiráns o pasado xoves 24, Día da Biblioteca, os participantes gozaron da tranquilidade e atención que proporciona a técnica Zentangle  que aprenderon con Elisabet. Fixeron o seus cadernos de lectura trazando patróns repetitivos cos que conseguiron preciosos debuxos.

Día 23 de outubro de 2023 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Atrévete a facer o teu propio conto

da man de Estefanía Padullés

o 23 de outubro, ás 11:00 na biblioteca

Co alumnado da ESO do colexio de Escairón, logo dunha breve presentación sobre quen escribe ou ilustra un libro, pasamos a ver uns exemplos do traballo de Estefanía.

Despois vimos unha pequena mostra variada de libros de banda deseñada de distintas épocas, temáticas e estilos e como se asemellan a unha película.

Soubemos por que uns mangas están en branco e negro, e outros en cor.

Vimos como se recrea o movemento nun debuxo, ou como un debuxo insinúa cousas só porque é máis grande ca outro nunha páxina de banda deseñada. Vimos diferentes perspectivas e outros truquiños de ilustración.

Seguindo as directrices da autora, e coa introdución A noite caera sobre as ruínas,… unha noite fría e chuviosa. Achegábase a tormenta empezamos a planificar e deseñar a nosa primeira páxina de banda deseñada.

Só cunha folla en branco e un lapis, descubrimos múltiples escenarios ruinosos.

Acabou facéndosenos curto, pero cando teñamos rematadas as nosas páxinas, poderemos expoñelas na biblioteca!

Ademais coñecemos algúns dos materiais da sección de banda deseñada que temos na biblioteca, e que se pode consultar no catálogo da Rede de Bibliotecas de Galicia [consulta aquí os libros da Comicteca] e tamén os libros de Estefanía Padullés.