O 24 de abril, Día do Libro, acercouse pola B.P.M. Xosemaría Pérez Parallé o Mago Rafa co seu espectáculo de maxia “Abracalibro”. Unha actuación chea de maxia e contada con moito humor, que fixo gozar tanto ao público infantil como adulto. Unha boa maneira de celebrar o Día do Libro!
Contos que florecen. Donde Viven los Cuentos, na Biblioteca Pública Municipal de Nigrán, martes 29 de abril.
Este venres para celebrar o Día do Libro, tivemos na Biblioteca José Saramago de Santa Marta, unha morea de contos divertidísimos que fixeron as delicias da cativada. Libros que dende o humor traballan cuestións tan importantes como a igualdade, a autoestima, a amizade ou a solidariedade.
Pasamos unha tarde moi amena e participativa da man de Soraya Lema, estamos desexando repetila.
Esta sábado tivemos na Biblioteca de Trazo a visita de Pipo, o paxaro que non sabía voar. Era algo que o tiña moi triste pero grazas á axuda dos seus amigos e o público puido aprender a facelo. Pasamos unha mañá do máis entretida onde non faltaron as adiviñas, os bailes e a diversión.
O 25 de abril ás 17.30 h, Pablísimo achegou á biblioteca municipal do Grove o espectáculo de narración oral “Cabicivai” .
Cabicivai é un espectáculo sobre rodas, unha bicicleta, un Kamishibai e tres caixóns dos que podía saír calquera cousa!!!.
Celebrando o Día do Libro na Biblioteca Pública Municipal “Irmáns Camba” de Vilanova de Arousa
Manuel Solla, a través do seu espectáculo “Viaxa cos libros” foi capaz de facer voa-la imaxinación de todos os nenos e nenas asistentes á Biblioteca Municipal Irmáns Camba o mércores 23 de abril.
Unha actividade entretida e dinámica , na cal participaron activamente os nenos provocando neles momentos de risas e sorpresa.
Dori pediu a colabo
ración dos nenos e nenas para facerlle agasallos a súa avoa
que estaba de cumpreanos,
sí sí oitenta anos cumpría ,
algúns non lle sairon ben pero outros sí.
Maxia e fantasía na Biblioteca Pública Municipal María Baña de Cabana de Bergantiños
Contacontos no que viaxamos as Américas con Castelao
Recibimos a FRAN AMEIXEIRAS de Bandullo Azul que nos trouxo o seu espectáculo “HISTORIAS DUN MUNDO GRANDE” ao que asistiron o alumnado de Infantil e 1º/2º de Primaria do CPI “Curros Enríquez” de Pazos e da EEI “A Galeriña” de Nespereira, ademais de varios usuarios da Asociación Aspavi.
En “HISTORIAS DUN MUNDO GRANDE” a cadeliña Becki -desde a súa biblioteca onde pasa tanto tempo lendo e escribindo- coa axuda de Fran Ameixeiras contáronnos historias que Becki foi coñecendo nas súas viaxes polo mundo. Historias de colaboración e de solidariedade entre as persoas que cantamos e bailamos para celebrar o respecto e a felicidade; historias diferentes, de culturas diferentes, de persoas diferentes. E a curiosidade e a empatía por esas outras culturas, esas outras persoas, axudaránnos a mellorar o planeta que habitamos e a facer del un lugar máis pacífico e amoroso.
Desde a Biblioteca Pública Municipal de Pazos de Borbén – BiblioPazos queremos agradecer ao CPI “Curros Enríquez” de Pazos a cesión dos seus espazos para poder realizar esta actividade. Tamén agradecer a asistencia do alumnado tanto do CPI como da EEI “A Galeriña” de Nespereira e dos usuarios da Asociación ASPAVI.
E, por último, agradecer a Fran Ameixeiras de Bandullo Azul a súa visita a Pazos de Borbén e polo seu estupendo traballo para facernos pasar un boísimo rato na súa compañía e na da cadeliña Becki.
Aquí deixamos unhas imaxes do evento para que vexades o ben que o pasamos.
Séguenos