Pequenos contos con música e obxectos suxerentes na narración.Moita emoción nalgúns contos.

  O pasado xoves a Biblioteca Xela Arias festexou de xeito adiantado o Día das Bibliotecas  cun espectáculo de cinema e narración oral que foi moi ben recibido polos nosos usuarios, cativos e grandes.

A nosa biblioteca de Chapela escolleu o espectáculo “Cinema marabillas: ver para ler” da xenial artista da narración oral Raquel Queizás, polo éxito que obtivo o pasado ano na Biblioteca Valle-Inclán.

“Cinema marabillas: ver para ler” é un espectáculo fantástico e cheo de maxia que atrapa aos espectadores, nenos e grandes, achegándolles os contos clásicos á vez que os descoñecidísimos primeiros filmes do cinema mudo.

Ademáis, a biblioteca preparou un fondo escollido de libros sobre cinema e contos clásicos que estivo presente na actividade.

Pasamos unha estupenda tarde de cinema, celebración e achegamento aos libros.

+ INFO: https://bibliotecas.redondela.gal/festexamos-o-dia-das-bibliotecas-na-xela-arias-de-chapela-o-cinema-tamen-se-le-se-e-da-man-de-raquel-queizas/

Espectáculo de Raquel Queizás no que a narración oral de contos clásicos  acompaña ao audiovisual de  fragmentos das primeiras adaptacións cinematográficas de cine mudo dos mesmos  e no que se  fai uso das novas tecnoloxías para introducir á narradora nesas mesmas películas.

Este xoves 14 de outubro tivemos na Biblioteca de Dorneda unha nova sesión de contacontos e desta volta acompañóunos Iván Davila co seu espectáculo Contos na lareira. Un feixe de entretidas historias engalanadas con sorpresas, adiviñas e bo humor que nos fixeron pasar unha tarde moi, moi entretida.

Cristina Collazo amenizou a tarde deste venres día 15, coa súa particular adaptación da obra “Pepa a Loba”. nesta historia na que se mestura a música e a danza, podemos apreciar valores como a amizade e a rebelión feminina, a protagonista da sobradas mostras destes valores.

O público gozou dunha interpretación de moita calidade e o remate houbo unha ronda de preguntas moi interesantes.

Inacio Vilariño, de Fantoches Baj, presentounos onte na Biblioteca Municipal de Lugo unha chea de medos e os divertidos remedios para enfrontarse a eles.

Se por exemplo, o medo é ao demo desencaminador que aparece nos camiños, podes cantarlle esta canción:

“Demo escoita o que che pido

que apartes do camiño

que teño que ir a bailar”

E así para cada medo, todos teñen un conto ou unha canción!

A maneira de contar de Lia Magalia é diferente. Os espectadores introdúcense no relato e viven as mesmas peripecias que os personaxes de ficción. Adéntranse en selvas, móllanse, loitan con osos e vencen.

Concerto de PAKOLAS “Rockeamos todas con Pakolas”

Espectáculo de carácter familiar protagonizado polas mulleres que inspiran as cancións de PAKOLAS das que conta diferentes historias de superación que teñen que ver coa desigualdade, a loita pola liberdade e  o respecto.

O venres 8 de outubro visitounos Proyecto Bululú para contarnos uns “Contos do revés”. Moi ben o pasamos dándolle unha volta a moitos contos…

A bruxa Maruxa, ten un problema…….

Non quere ser bruxa!

E veu á biblioteca de Ares, para cantar e contar o que lle pasaba.