Contacontos con Marisa Irimia
Contos de marmeleiro, anís e limón, avtividades conducida por Marisa Irimia que apoiada nos seus bonecos fixo as delicias dun numeroso público infantil.
Saltar a ligazóns de pé de páxina
Archive for category: Narración oral
Magín Blanco achegouse ás Pontes co seu “Letras e notas”
Onte, martes 18, Magín Blanco visitou As Pontes. Aproveitando o verán sacamos a biblioteca ao parque e entre libros desfrutamos da actuación do cantante co seu Letras e notas. Os nenos e nenas pontesas pasárono en grande. Cantaron, bailaron e acertaron adiviñas xogando coas letras e coa música. Grazas Magín, foi un pracer a túa visita.
Conto express de Sarabela na biblioteca no parque das Pontes
Os nenos e nenas das Pontes achegáronse á biblioteca que estes días das festas patronais trasládase ao aire libre para desfrutar do Conto express de Sarabela. Grazas Nate e Flor polo ben que nolo fixéchedes pasar.
María Canosa na biblioteca Varela Jácome de Lalín
María Canosa na biblioteca municipal de Lalín
O pasado 27 de xuño ás 17:30 a biblioteca municipal “Varela Jácome” de Lalín acolleu a actividade “Perder o medo a través da poesía”, dentro do programa “Ler Conta Moito” da Xunta de Galicia.
María Canosa na biblioteca municipal de Lalín
A actividade, orientada a nenos e nenas de 3 a 6 anos foi impartida por María Canosa, quen narra dende a perspectiva dunha nena como foi capaz de desfacerse dos seus temores a través da poesía. Así pois, a narradora, mediante a lectura de varios poemas, tratou os diversos medos aos que polo xeral se enfrontan os máis cativos e cativas para que, finalmente, poidan darse conta de que existen moitas razóns para eliminar eses receos.
“A Galiña Azul e compañía” na Biblioteca Pública Municipal de Moeche
O día dezasete de maio, na Biblioteca Pública Municipal de Moeche, e cunha abundante participación, tanto infantil como adulta, estupenda actuación de Cris de Caldas coa obra “A Galiña Azul e compañía”.
Risas e participación para mergullarse e profundar na figura e a obra de Carlos Casares no seu día.
“Contos de verán” con Celtia Figueiras na BPM de Brión
A animadora Celtia Figueiras regresou á Sala Municipal de Exposicións para presentar os seus “Contos de verán”, outro divertido serán de “As estacións en contos”, unha serie de catro espectáculos con historias sobre cada unha das catro estacións que compoñen o ciclo do ano.
A actividade, organizada pola BPM de Brión, estivo dirixida a público infantil de entre 3 e 9 anos de idade. O serán contacontos comezou pasadas as 18 h., e estendeuse durante uns 40 min. A asistencia de público non foi tan numerosa coma en anteriores sesións, probablemente debido á coincidencia en data cos festivais de fin de curso dos centros escolares.
Esta actividade contou co patrocinio do programa “Ler conta moito” da Rede de Bibliotecas Públicas de Galicia.
Ligazón coa galería de imaxes da actividade.
A actividade, organizada pola BPM de Brión, estivo dirixida a público infantil de entre 3 e 9 anos de idade. O serán contacontos comezou pasadas as 18 h., e estendeuse durante uns 40 min. A asistencia de público non foi tan numerosa coma en anteriores sesións, probablemente debido á coincidencia en data cos festivais de fin de curso dos centros escolares.
Esta actividade contou co patrocinio do programa “Ler conta moito” da Rede de Bibliotecas Públicas de Galicia.
Ligazón coa galería de imaxes da actividade.
CONTACONTOS EN SANTISO
Esta mañá os nenos e nenas de Santiso quedaron encantados co contacontos de Alba Bermúdez “Comechíns, segundo prato”. A través dos contos coñeceron alimentos, descubriron alerxias e desfrutaron das aventuras de todos os protagonistas.
“CONTOS PARA BEBÉS” en Carballedo
Tarde de sábado divertida cunha sesión de contos cheos de música, sorpresas e animación para os/as máis pequenos/as da casa.
Sherezade Bardaji na biblioteca Neira Vilas de Vila de Cruces
O pasado 10 de xuño a biblioteca acolleu “A viaxe de Toribio” incluida dentro do programa “Ler conta moito”
aínda que estaba boa tarde os que viñeron pasárono moi ben, actividade dinámica e participativa.
Os Ratiños da caixa visitan a biblioteca pública de Brión
O venres 9 de xuño os ratiños de TrinkeTrinke visitaron a biblioteca de Brión. O Rato máis grande trouxo nunha caixa tres ratiños máis novos moi trastes e desobedientes, e non lle quedou outra que aturalos. E para entretelos narroulles contos especiais para ratiños.
Historias que conformaron un entretido serán contacontos dirixido a público infantil de 3 a 9 anos de idade. Unha sesión de animación da biblioteca que se celebrou na Sala de Exposicións da Casa da Cultura por necesidades de espazo. O espectáculo comezou ás 18:00 h. e reuniu a aproximadamente 50 asistentes, entre nenos e pais, que gozaron cos divertidos contos de ratiños.
Esta actividade estivo organizada pola biblioteca pública municipal co patrocinio do programa “Ler conta moito” da Rede de Bibliotecas Públicas de Galicia.
Ligazón coa galería de imaxes da actividade.
Séguenos