Podes escribir un conto só cunha única vogal? Unha pequena caixiña contén tódalas personaxes dun conto? Cal é o conto máis longo do mundo? E o máis curto? As respostas deunolas Pablísimo co seu Contiario, unha sesión de contos chea de orixinalidade e moitas risas que tivemos o pracer de ver este martes 10 de outubro na Biblioteca Manuel María de Oleiros
O venres, 6 de outubro, recibimos a visita da galiña Rosiña na biblioteca de Mera.
A galiña Rosiña é moi especial porque pon ovos de personaxes de conto. As nenas e os nenos foron sacando do curral os ovos protagonistas as veces de contos tradicionais e outras de contos por inventar e, entre todos, fomos tecendo historias
Na segunda parte da actividade os cativos elaboraron os seus propios ovos de conto cunha plastilina que fixeron eles mesmos con fariña e colorante alimentario.
Pasámolo fenomenal !!!
O venres 6 de outubro, tivemos a visita de Charo Pita co seu espectáculo para bebés O curral de Cocoricoricó.
A avezada contadora enfeitizou aos nosos/as pequerrechos/as coas súas cancións, contos e rimas.
Tarde na que os asistentes, gozaron cunha sesión divertida, lúdica e chea de ledicia e agarimo.
O xoves 5 de outubro tivemos a visita de Teatro Grazafelhos co seu espectáculo Camiñando entre estelas.
Os nenos e nenas participaron moi activamente no desenrolo do mesmo, actuando xunto ao astronauta protagonista e tamén facendo preguntas.
Espectáculo didáctico e divertido onde se amosa como formouse o noso sistema solar e como funcionan as diferentes forzas que hai nel. Todo isto a través de explicacións moi acordes as idades dos asistentes e axudándose tamén de contos e proxeccións.
O xoves 5 de outubro ás 18 horas tivo lugar na biblioteca municipal de Monforte un conta contos no que participaron 15 nenos e nenas e os seus acompañantes. Manuel Solla contoulles contos e fixoos participantes das historias. Unha bruxa, un príncipe, unha ra, un paxaro… cada neno representou un personaxe do conto e todos quedaron encantados e felices de ser protagonistas da historia.
Esperamos contar con Manuel en vindeiras ocasións xa que todos quemamos moi satisfeitos coa súa proposta.
O mércores 4 de outubro, Charo Pita visitou a Biblioteca de Portonovo co seu espectáculo para bebés.
Os bebés que, xunto cos seus pais, se acercaron á sesión, disfrutaron dun rato divertido e moi tenro. Charo Pita engaiolounos coas súas cancións, rimas e contos, e foi moi bonito ver os papás, sempre máis serios, sonrir e disfrutar cos seus cativos no colo.
Cando rematou a sesión, os pais estaban moi agradecidos por participar e sorprendidos de que algo así acontecese na biblioteca. De feito, para moitos era a súa primeira visita á biblioteca e descubriron tamén os servicios que temos para ofrecerlles.
Dende aquí o noso máis agarimoso agradecemento a Charo Pita!!!
Onte, mércores, 4 de outubro dentro do Programa Ler Conta Moito na Biblioteca de Santa Cruz visitounos Elefante Elegante co espectáculo “O Xigante”. Representación magnífica por parte de Gonçalo Guerreiro deste clásico da literatura infantíl, embelesou coa súa posta en escena a maiores e pequenos. É un espectáculo de pequeno formato, onde a narración está acompañada con moito acerto, cunha música axeitada a cada escea, ademáis das palabras, as accións mímicas, os xestos dan grandiosidade a narración oral. A destacar tamén os valores traballados de solidariedade, amizade, e sobre todo amor a natureza e coidado do medioambiente.
As viaxes dun home
Onde vive un xigante que non deixa a ninguén xogar alí
A primaveira non chega ao xardín do xigante…
O xigante faise amigo dos nenos e nenas…
O home segue a viaxar buscando árbores con libros e xardíns para habitar…
Onte, martes 3 de outubro, Pavís Pavós visitounos de novo na Biblioteca Manuel María de Oleiros cun feixe de contos cheos de tradición oral, musicalidade e valores universais que van deixando pegada en cada un de nós.
A actividade de BiblioCanta está conducida por Chío Couto Rendo. Nela vai facendo un percorrido polo cancioneiro galego de tradición oral de ditos, recitados, nanas, xogos e cancións que fan disfrutar a público infantil e tamén a avoas e avós acompañantes.
Moi divertida e participativa e moi recomendable para realizar en bibliotecas. Funciona tanto con bebés como cos máis maiorciños que sen dúbida lles gusta recordar aquello que aprenderon de pequerrechos.
Ademais é unha maneira máis de fomentar o noso fondo de música e poesía.
O venres, 29 de setembro, tivemos na biblioteca de Mera (Oleiros) unha sesión de contos moi especial a cargo de Pavís Pavós. O público permaneceu atento e entusiasmado escoitando as historias que saíron da maleta e que, sen dúbida, deixaron pegada en nós.
Séguenos