Onte, mércores, 4 de outubro dentro do Programa Ler Conta Moito na Biblioteca de Santa Cruz visitounos Elefante Elegante co espectáculo “O Xigante”. Representación magnífica por parte de Gonçalo Guerreiro deste clásico da literatura infantíl, embelesou coa súa posta en escena a maiores e pequenos. É un espectáculo de pequeno formato, onde a narración está acompañada con moito acerto, cunha música axeitada a cada escea, ademáis das palabras, as accións mímicas, os xestos dan grandiosidade a narración oral. A destacar tamén os valores traballados de solidariedade, amizade, e sobre todo amor a natureza e coidado do medioambiente.

As viaxes dun home

Onde vive un xigante que non deixa a ninguén xogar alí

A primaveira non chega ao xardín do xigante…

O xigante faise amigo dos nenos e nenas…

O home segue a viaxar buscando árbores con libros e xardíns para habitar…

Onte, martes 3 de outubro, Pavís Pavós visitounos de novo na Biblioteca Manuel María de Oleiros cun feixe de contos cheos de tradición oral, musicalidade e valores universais que van deixando pegada en cada un de nós.

A actividade de BiblioCanta está conducida por Chío Couto Rendo. Nela vai facendo un percorrido polo cancioneiro galego de tradición oral de ditos, recitados, nanas, xogos e cancións que fan disfrutar a público infantil e tamén a avoas e avós acompañantes.

Moi divertida e participativa e moi recomendable para realizar en bibliotecas. Funciona tanto con bebés como cos máis maiorciños que sen dúbida lles gusta recordar aquello que aprenderon de pequerrechos.

Ademais é unha maneira máis de fomentar o noso fondo de música e poesía.

O venres, 29 de setembro, tivemos  na biblioteca de Mera (Oleiros) unha sesión de contos moi especial a cargo de Pavís Pavós. O público  permaneceu atento e entusiasmado escoitando as historias que saíron da maleta e que, sen dúbida,  deixaron pegada  en nós.

A biblioteca de Chapela voltou onte ás súas actividades de animación para os máis cativos da parroquia. A compañía Bandullo Azul aterrou na biblioteca con Fran Campos e coa súa simpática compañeira Filipa.

VER MÁIS NO BLOG DAS NOSAS BIBLIOTECAS: http://bibliotecasredondela.blogspot.com.es/2017/09/filipa-trae-contos-cativos-e-adultos-na.html

Na tarde do 22 de setembro, na Biblioteca Pública de Moeche, Olga Abad fixo as delicias dun numeroso grupo de persoas da terceira idade que, acompañadas de varios nenos, confeccionaron as figuras dunha historia galega moi antigua coas que logo fixeron a representación con sombras chinesas.

Diversión, manualidades e posta en valor do patrimonio cultural galego para un grupo variopinto cunha actividade orixinal.

Día 1 de setembro de 2017 ás 12:00, na biblioteca de Escairón

Preparámonos para a volta ao cole con esta actividade do catálogo Ler conta moito:

Comechíns,

segundo prato

da man de Alba Bermúdez

o 1 de setembro, ás 12:00 na sala infantil

Mentres faciamos tempo para a hora, estivemos con Alba aprendendo cousas cun libro que non sabiamos que había na biblioteca: No tires de la cadena, secretos científicos sobre la caca y el pis nel descubrimos cousas que nunca imaxinamos que se puideran facer con esas dúas cousas.

Chegada a hora, comezamos averiguando os gustos dos participantes en canto á comida: se algún alimento non nos gusta, se temos alerxias ou intolerancias alimentarias, que é o que máis nos gusta na mesa e o que menos,…  Alba viña preparada para unha merendola de contos no campo cunha canasta cun mantel e chea de historias. Axudámoslle a poñer a mesa e a merendar contos:

Co de No quiero comer, aprendemos que coa axuda da nosa imaxinación podemos divertirnos mentres comemos aínda que sexan cousas que non nos gusten moito.

Co conto A vaca que puxo un ovo, aprendemos que poden ocorrer cousas incribles se o desexamos con forza e contamos con bos amigos.

O coelliño branco ensinounos que non hai que ser moi grande para vencer a un mangallón: abonda con ser máis listo porque o medo non debe deternos. 

C’O segredo de Flora, aprendemos unha canción para alonxar o mal humor e os comportamentos violentos.

E con Imos cazar un oso fomos de aventura con toda a familia.

Coma sempre, unha pequena selección de libros relacionados está exposta na Casiña dos ratos:

O pasado venres visitounos o Mago Paco cunha maleta cargada de contos, xogos, trucos sorprendentes e moitísimo humor. Divermaxia é un espectáculo para público infantil e familiar, dinámico e interactivo, que combina maxia e narración oral. En Carnota somos superfans do Mago Paco!

O 28 de xullo veu visitar a Biblioteca Municipal de A Illa de Arousa o grupo “GlupGlup Teatro” cunha peza teatral para nenos e nenas de 3 a 12 anos co título “Catalina Lino Lina”, que se desenvolveu dentro do programa “O mar nunha flor”. Os nenos e nenas pasáronno en grande!

Grazas por participar connosco!

Día 4 de agosto de 2017 ás 12:00, na biblioteca de Escairón

Preparámonos para as festas da vila con esta actividade do catálogo Ler conta moito:

Filipa cos contos

repertorio de Carlos Casares

da man de Bandullo Azul

o 4 de agosto, ás 12:00 na sala infantil

Comezamos adaptando o oído á música de acompañamento, aprendendo unha historia do máis breve da man de Fran: Estaba a amora no seu lugar, pero como era moi moi breve, decidimos alongala un pouco con máis estrofas encadeándolle máis personaxes.

A continuación coñecemos a Filipa e puidemos escoitar unhas historias desternillantes, entre as cales había varias inspiradas na obra de Carlos Casares: Lolo anda en bicicleta, A cousa que máis doe do mundo, A figueira de Pelostortos, A galiña azul, e unha historia inventada, Hipo que?.

Cantamos, rimos, berramos, e en definitiva pasámolo en grande!

Para rematar, os que quixeron, fixeron unha foto de grupo con Filipa e Fran.