Onte ás 18.00 horas na Biblioteca Municipal de A Illa de Arousa, e con motivo do Día da Biblioteca e como apertura ós actos previos a Samaín, os rapaces e rapazas do municipio pasáronno de “medo” cos contos de Carmen Domenech.

Os rapaces e rapazas disfrutaron moitísimo con ela. Foi unha tarde donde os nenos e nenas xunto coa sá familia visitaron a biblioteca e rodeados de libros escoitaron as historias da Señora Antonia, unha meiga moi simpática.

Unha tarde moi aterradora!

Onte, na biblioteca Monte Alto, pasamos unha tarde de fábula con David Ballesteros, da asociación científica “A ceo aberto”. Ao fío das películas e dos libros de Harry Potter, puxemos en dúbida e comprobamos co método científico as escenas máis máxicas e incribles. Ademais de divertirnos moitísimo aprendemos unha chea de cousas. Moitas grazas, David!

30 nenos e nenas s participaron este mércores na actividade creativa organizada pola biblioteca municipal, A galiña dos ovos de conto, a cargo de Electra Menéndez Muñoz, da entidade Pedras Artesanía e Patrimonio.

Dada a elevada demanda da actividade, organizáronse dúas sesións: unha ás cinco menos cuarto da tarde e outra ás seis.

Durante algo máis dunha hora, e a partir dun conto no que a protagonista era a galiña Rosiña, os participantes fixeron unha actividade plástica con plastilina na que inventaron personaxes para elaborar conxuntamente un conto.

O pasado sábado 20 de outubro, grandes e pequenos/as puideron gozar do obradoiro impartido por Estíbaliz Espinosa na biblioteca “Varela Jácome” de Lalín. A Vía Láctea, os planetas do sistema solar, Rosalía de Castro, haikus, as constelacións… Poesía e astronomía uníronse nesta actividade na que, ademais, nenos e nenas puideron deixar fluír a súa imaxinación e curiosidade. 

No día de hoxe, tivemos a Celtia Figueiras con “GALE, A HISTORIA DA LINGUA GALEGA” , para pechar a semana de actividades arredor do “DÍA DA BIBLIOTECA”. Celtia fixo con “GALE” un percorrido pola historia da lingua galega segundo o libro de Pepe Carreiro. Todo esto con teatro, sombras e monicreques. Viñeron a actividade 63 alumnos dos cursos de 4°, 5° e 6° de primaria do C. E. I. P. Manuel Respino, que compañados polas suas mestras estiveron moi atentos a toda a función.

O día 24 de Outubro, “Día da Biblioteca”, os alumnos de segundo e terceiro ciclo do C.E.I.P. de San Ramón de Moeche, xunto cos seus Mestres, acudiron á chamada da Biblioteca Pública Municipal e alí, asombrados, comprobaron por sí mesmos como a maxia que aparece en películas e espectáculos non é tal, senon puras propiedades da materia e a enerxía.

A ciencia como explicación a fenómenos misterios capturou a atención de rapaces e adultos que saíron encantados e un pouco máis sabios.

Para celebrar o Día da Biblioteca como se merece, as familias do barrio de Monte Alto foron convidadas a compartir unha tarde con Migallas Teatro. Presentáronnos a un amigo moi especial, un lobiño que non era quen de quitar o chupete. Pero grazas a axuda do público, os contos e as cancións, conseguimos distraelo e que o esquecera por completo. Escoitamos clásicos como “A ratiña presumida” ou “Os tres porquiños” e outros como “Lúa” ou “Crocodrilo”, que soan tan ben cando os cantamos.

¡Qué ben o pasamos! Esperamos que volvan noutra ocasión. ¡Grazas!

Antía Yañez vén  rescatarnos no Día da Biblioteca en Camariñas.  Organizou un xogo de pistas que foi situando en lugares estratéxicos da biblioteca co obxectivo de dar a coñecer as diferentes seccións. Os nenos e nenas divertíronse moitísimo.

O día 24 de outubro, durante unha hora, con pinturas de dedo e seguindo as instrucións de Isabel, as crianzas asistentes ao obradoiro, puxeron en marcha a súa imaxinación e fixeron divertidas composicións. Pintaron gran variedade de obxectos e animais, sendo os protagonistas as bolboretas e os dinosauros, aínda que houbo quen preferiu facer creacións con extraterrestres.

O día 23 de outubro de 2018, na biblioteca de O Froxel “Fco. A. Vidal” de Arteixo, os nenos de 4 a 11 anos, tiveron a sorte de disfrutar creando debuxos cos seus dedos da man de Isabel, a monitora da entidade “Menos da unha pedra”,  na sesión do Obradoiro con pinturas “Autores con Pegada”. Foi todo un éxito.