Hoxe comezamos as actividades do programa Ler conta moito 2018 coa visita de Limiar Teatro e o seu espectáculo
” Don Quixote”.
Estrearon o programa os nen@s de 4º, 5º e 6º de primaria do Colexio Padre Feijoo de Allariz.
Gozaron dunha comedia gastronómica que mestura narración oral e cociña en directo con moito humor.
Unha versión do Don Quixote de Cervantes, áxil, didáctica, saborosa e moi divertida.
Quedounos moi bo sabor de boca!
Grazas
.
O mércores 26 de setembro tivemos unha tarde máxica na Biblioteca Central de Cambre. Visitounos o Mago Pedro Bugarín que ademais de realizarnos xogos de maxia, ensinounos algúns trucos moi sorprendentes…
Trucos sinxelos a partir de obxectos cotiás como gomas elásticas ou palillos, xogos de mans… que despois os nenos e nenas poden compartir con outros neos e nenas.
Pedro Bugarín comeza demostrándonos as súas extraordinarias habilidades con algún truco realmente sorprendente que demostra gran profesionalidade.
Cartas asinadas polo público e que logo se trasladan e saen moi dobradiñas da súa boca…ou outras ben escondidas e baralladas aparecen cando o Mago quere…Cordas que despois de cortalas aparecen enteiras,.. Follas de libreta que só se lle cortan a el e ninguén dos asistentes é quen de rompelas, como se forna de plástico…
Actividade moi recomendable para pasalo ben no momento e despois, e para visibilizar e dinamizar os libros de maxia da biblioteca.
Da man de Pablo Díaz tivemos na Biblioteca Rialeda unha sesión de Cantacontos para os nenos e nenas máis pequenos. Empregando diversos instrumentos (guitarra, frautas…) desenvolveu un feixe de contos e historias que engaiolou a todos os asistentes. Un conxunto de música e textos moi ben traballado durante máis de media hora, ofrecendo divertimento e boas sensacións que fixeron desta sesión unha experiencia moi grata.
O Mércores 26 de setembro na ALM de Corvillón de Cambados, dentro do programa “Ler conta moito”, contou coa actuación de Carmen Domech, co seu espectáculo “Contos para pasalo de medo”.
Os nenos/as e as nais e pais quedaron abraiados cos contos de medo da señora Antonia, que a través de cinco historias, achegounos a un mundo de tebras onde, co humor, o amor e o terror, pasámolo de medo. Todos disfrutamos e non tivemos tempo de aburrirnos.
Cando se xuntan os libros e a maxia pasan cousas moi divertidas e interesantes, eso foi o que viviron onte na Biblioteca de Miño os 44 nenos e nenas que nos acompañaron e tamén os papás, mamás, avós e avoas.
Visitamos países exóticos, descubrimos planetas de outra Galaxia, vimos libros moi raros e os nosos desexos transformáronse en luces vermellas. Todo se encheu de maxia.
Teatro Calavera da Asociación Teatral Solaz Moraima estivo o día 26 de setembro na nosa Biblioteca. O cociñeiro Antón e a pasteleira Tomasa descobren nun libro a receita para facer o mellor chocolate, iso leva á pasteleira a viaxar ata unha afastada illa, vai remando nunha barca que lle presta Calavera, o pirata. Unha vez que consegue o cacao, fai un chocolate exquisito co que as crianzas envolverán froitas que degustarán nos seus fogares.
A duración foi de 70 minutos.
O pasado 6 de xullo tivemos na Biblioteca de Ares a ciencia e a fantasía xunta, no espectáculo de “A ciencia de Harry Potter”.
Un xeito moi divertido e orixinal de ensinar ciencia a os máis pequenos.
Unha xornada entretida e lúdica.
Espectáculo moi aconsellable.
O martes 25 de setembro, Lucía Abarrategui, engaiolou a todos os asistentes coa súa proposta de “RADIOCONTADA”.
OBRADOIRO DE RADIO, onde Lucía, ensinou aos nenos máis cativos, a arte de contar historias de moitos personaxes que habitan nas páxinas dos libros diante dun micrófono.
Os nenos contaron con aparellos de sonido, grabaron contos e imitaron animais, facendo voar a imaxinación dos asistentes.
Un verdadero éxito de público e plena satisfacción dos asistentes á actividade.
O Luns 24 de setembro na ALM de Oubiña de Cambados, dentro do programa “Ler conta moito”, contou coa actuación de Carmen Domech, co seu espectáculo “Contos para pasalo de medo”.
Os nenos/as e as nais e pais quedaron abraiados cos contos de medo da señora Antonia, que a través de cinco historias, achegounos a un mundo de tebras onde, co humor, o amor e o terror, pasámolo de medo. Todos disfrutamos e non tivemos tempo de aburrirnos.
Unha sesión da Hora do Conto moi leda e coa participación activa por parte do público asistente.
Carmen Domech engaiolou a tod@s coa súa profesionalidade, tanto na narración coma cos seus bonecos, o tapiz-escenario, etc. Resultado magnífico. Ademáis ao remate informou aos asistentes da posibilidade de baixar contidos e actividades plásticas relacionados co conto narrado da súa páxina www.titerescachirulo.com
Séguenos