Grazas á coloboración co programa de animación á lectura nas bibliotecas “Ler conta moito”, o sábado 20 de maio tivemos un Bbencontro especial na Biblioteca Municipal Os Rosales.  María Faltri e Jorge Juncal (“Papi e Mami”) presentáronnos “A nosa música con Jorge e María”. Xunto ás  familias participantes, con nenos ata os 3 anos, gozamos da música ó vivo, da poesía, da manipulación de obxectos e decubrimos o seu novo libro-disco:”Fantasía coas palabras” .

Coma sempre un pracer.

María Faltri e Jorge Juncal na Biblioteca Municipal Os Rosales

O pasado venres 19 de maio, a compañía Elegante Elefante puxo en escea o seu espectáculo “Lobo Bobo” na Biblioteca de Portonovo, que se quedou pequena para todos os que quixeron participar desta actividade.

O público disfrutou dunha sesión moi amena e divertida que se desenrrolou de forma áxil e con complicidade dos asistentes. Como veredes había xente de todalas idades que o pasaron xenial pois así o dixeron ó rematar o espectáculo, tanto cativos como mamás.

Moitas grazas Gonçalo!

Dentro das actividades da Semana das Letras, visitounos Larraitz para facer un repaso a algúns dos contos de Carlos Casares. Así, pola Biblioteca do Grilo pasaron Toribio, a Galiña Azul e unha chea de persoaxes saidos da mente do homenaxeado este ano na Letras. Pero tamén houbo baile, participación e sorpresas, como unhas laranxas moi especiais…

O pasado venres Fran e Filipa, da compañía Bandullo azul, fixéronnos unha viaxe polos contos tradicionais e o repertorio infantil de Carlos Casares amenizados con música e cancións en directo.

A sesión foi moi participativa e amena e os nenos estiveron encantados.

O venres, 19 de maio, ás 12.15 h, o alumnado de infantil e primaria do CPI San Vicente gozou da actuación de Álvaro Muras e Martín Camiñas, un espectáculo de música e maxia a través da vida e obra de Carlos Casares, encadrado dentro da Semana bañense das Letras 2017. O auditorio estaba a rebentar de aplausos, gargalladas, ilusións, letras, sons, emocións…

O xoves 18 de maio 60 nenas e nenos de 2 a 6 anos e os seus adultos acompañantes disfrutaron na Biblioteca Municipal Os Templarios de Cambre coa música e as cancións de Mamá Cabra.

Música, teatro e danza están presentes nesta actividade.

Gloria Mosquera acompañada de Iago Rodríguez, ás teclas e percusións, fixeron un percorrido pola súa producción musical, ben coñecida e coreada polo público miúdo.

Unha fermosa tarde de música e baile para compartir.

Mamá Cabra, sempre magnífica!

Para pechar a semana das “Letras Galegas” contamos na biblioteca coa actividade “LETRAS E NOTAS” con MAGÍN BLANCO. A biblioteca de A Rúa ateigouse de nenos de infantil e primeiros cursos de primaria dos colexios do Concello: Pablo VI-Fátima e Manuel Respino. Arredor dun cento de nenos e 10 profesores participaron no espectáculo musical no que Magín Blanco ía creando un universo con abecedarios, números, adeviñas e contos. Os nenos cantaron e bailaron.  ¡Pasaron un rato moi divertido!.

O sábado 13 de maio Expresión Produccións achegou ata a Axencia de Lectura de San Vicente o espectáculo “Contos máxicos”

Ademais de contos, tivemos maxia, trabalinguas, cancións, concursos, monicreques…  un espectáculo interactivo, dinámico e moi divertido co que grandes e pequenos pasaron unha fantástica mañá de sábado.

Os amigos de Eduvia Educación seguen por Cambados e onte puidemos pasar unha divertida xornada con eles aprendendo un pouco máis da literatura e os escritores máis senlleiros do país… pasámolo en grande!

Foi realmente un prodixio o xeito como Iria Piñeiro nos atrapou cos seus relatos. Os nenos/as convertíronse en personaxes improvisados de contos que buscaban desterrar os medos. Ao final os rapaces desvelaron cales eran as súas inseguridades. Creouse unha atmosfera especial na biblioteca acollendo ao libro como elemento curativo da alma.