O día 11 de outubro do 2016.
RAQUEL QUEIZÁS “CONTOS NADOS DO MAR” na Biblioteca de O Froxel.
Baixo a temática do mar, Raquel fixonos navegar polas augas máxicas dos contos. Os nenos participaron animadamente coa interpretación narrativa e divertíronse coa imaxinación dos máis cativos.
Este venres, 7 de outubro, tivemos un obradoiro de crear fósiles de dinosauros da man de Jon e Laura, monitores de Maumuarela.
Tivo moi boa acollida por todos os nenos e nenas participantes.
No proceso estiveron atentos os pasos a seguir, asi como na súa elaboracion.
Tarde especial, participativa e dinámica de experimentación .
Da man de Xulio Varela e o dos monitores Clara, Oscar e Rosa tivemos ocasión de participar na actividade “As cousas pequenas”. Unha mestura de imaxinación, habilidade , debuxo e uso de obxectos que rematou coa elaboración dun libro colectivo nunha tarde magnífica para todos e todas.
O xoves, 6 de outubro, contamos con Xosé Luís Cousillas e o seu obradoiro Arte nos libros, neste caso dedicado ao pintor Luís Seoane.
En primeiro lugar os nenos e nenas asistiron a unha presentación sobre a figura do pintor. Esta consistiu nun breve apunte biográfico e tamén mostrou debuxos e portadas de libros e outras creacións realizadas polo autor en diferentes artes.
Despois realizaron unha ilustración de motivo mariño, inspirada nun dos debuxos de Luís Seoane. O obxectivo era realizar a ilustración sen necesidade de lapis nin pintura, simplemente dando forma ás cartolinas coas tesouras.
Este martes 4 de outubro Carapuchiña Vermella, o Lobo feroz, Brancaneves e outros personaxes dos contos clásicos mesturáronse nun orixinal e moi divertido contacontos onde non faltou a música, a poesía, e unha coidada escenografía que cativaron aos asistentes. Un novidoso paseo polos contos de sempre da man de Elefante Elegante e o seu espectáculo Lobo Bobo.
O sábado 24 rematamos a Choiva de contos do mes de setembro cun espectáculo de maxia, a cargo do Mago Paco.
O Mago Paco trouxo a súa DIVERMAXIA á Biblioteca e pasámolo en grande.
Contounos historias, contos, fixemos xogos. E, por suposto maxia!!!.
Os nenos e as nenas puidemos subir ao escenario con el e axudarlle.
Actividade de dinamición a lectura a través da maxia mediante historias, contos e xogos. O Mago Paco é unha personaxe moi peculiar que non para de argallar novas maxias para os ne@s.
Desta volta mestura a risa como elemento principal para sorprender @s mais cativ@s coas suas hitorias cheas de maxia.
Se queredes máis información sobre este evento clicade aquí.
Este venres a rapazada de Chapela gozaron dunha tarde fabulosa con Andrea e mais os Piñeiriños, que lles contaron e cantaron moitas historias sobre as emocións.
O noso espazo dos contos encheuse de cativos e cativas de 2 a 6 anos, que escoitaron, cantaron, bailaron aprenderon e se divertiron a través desta sesión tan animada de contos.
Pasámolo moi ben. Grazas aos cativos, pero tamén aos adultos acompañantes por asistir.
VER MÁIS NO NOSO BLOG: http://bibliotecasredondela.blogspot.com.es/2016/09/mergullamonos-nas-emocions-con-andrea.html
O venres, 30 de setembro, pasamos unha tarde máxica na biblioteca de Mera (Oleiros) co Mago Paco que veu cargado de diversión, historias e xogos que entusiasmaron aos nenos/as (e aos máis grandiños/as tamén). Polo seu escenario pasaron moitos aprendices de mago que fixeron de todo … mesmo houbo quen tivo que beber unha poción máxica!
O venres 30 de setembro, tivemos a visita de Fátima Fernández. Os seus “Contos revoltos” foron moi interesantes. Historias de suspense e animais, de bosques…cargadas de valores. O noso público, o mellor do mundo. FACENDO BIBLIOTECA!!!
Onte xoves 29 tivemos a sorte de contar con Luís Vallecillo e a súa guitarra nesta mestura de literatura e música con textos de Manuel María e outros tradicionais . Unha magnífica experiencia que fixo disfrutar a todos os participantes .
Séguenos