O pasado venres 29  de xullo, na Axencia de Lectura de Santiso tivemos a actuación de  Divermaxia, a que asistiron a cerca de 40 nenos e nenas. Foi unha actividade chea de contos e maxia.

O pasado venres a compañía Elefante Elegante recalou na Axencia de Lectura Municipal de Carnota  co espectáculo “O Xigante”, unha adaptación teatral do conto de Oscar Wilde para o público infantil.

Obradoiro creativo cos pelelliños. Un obradoiro para coñecer estes máxicos personaxes da man do seu creador, inventar novas historias e deseñar novos pelelliños. Cunha chea de debuxos e risas, viaxando ao mundo dos pelelliños.

O mércores 20 de xullo e da man de Maumarela os rapaces e rapazas das Pontes aprenderon moitas cousas sobre os dinosaurios. Ademais crearon o seu propio fósil.

Vaia festa organizou Paco Nogueiras na Axencia de Lectura Municipal de Carnota co Brinca vai! Velaquí a rapazada carnotá totalmente entregada. Espectáculo divertidísimo e de gran calidade, absolutamente recomendable.

Nesta magnifica sesión de maxia cargado de moito humor, os/as nenos e nenas de Carballedo disfrutaron dunha tarde singular na Biblioteca Municipal.

Celebramos un obradoiro de creatividade con Olga Abad, no que ademáis a narración oral estivo moi presente.

Pais e nais, xunto con Olga e todos colaborando para dar a coñecer ás novas xeracións a máis antiga narración oral galega.

Para nenos e nenas de 4 a 8 anos. Con iste obradoiro rematamos as nosas actividades do programa Ler Conta Moito

Para máis información sobre este evento, clicar aquí.

O pasado día 29 de xuño Ana Romero trouxonos unha chea de contos que enalazaba con experimentos cos que os nenos e nenas vian que están rodeados de ciencia. Con auga, aceite, bicarbonato sódico fixeron numeros experimentos cos que os nenos e nenas quedaron abraiados.

Na mañá do luns 4 de xullo, as bibliotecas de Cambados inauguraron a tempada de verán cunha divertida actividade de achegamento á ciencia para os máis pequenos da casa.

Grazas a Ler conta Moito e Ana Romero, que nos trouxo ao centro Exposalnés unha manchea de divertidos contacontos que enlazaban interesantes experimentos con cousas tan cotiás como a auga, o aceite, o bicarbonato sódico, luces de neón… pasamos unha entretida mañá tal que como amosan as imaxes…

A Titiricleta chegou a Biblioplaza de Monte Alto! E veu cargadiña de contos e historias de todo o mundo. Anxo sorprendeunos coa súa chegada á Biblioplaza, un evento que a biblioteca Monte Alto celebra cada mes de xuño saíndo a rúa, na procura dos veciños máis despistados, os que aínda non saben a marabillosa biblioteca que teñen no terceiro andar do centro cívico. E con Anxo e os seus monicreques gozamos do auténtico poder da narración oral, do poder das verbas e da voz, frente ao auxe do visual e as novas tecnoloxías.

Se queredes coñecer o fermoso proxecto para construir un mundo mellor no que colabora esta divertida titiricleta, visitade o seu blog CONTOS SOLIDARIOS.