Dia Internacional do Libro
A Biblioteca Pública Municipal celebrou o Dia do Libro cun contacontos para nenos da man da compañía Pavís Pavós. Ao finalizar recibiron como agasallo un libro e caramelos. Estas son as fotos
Saltar a ligazóns de pé de páxina
Archive for category: Nenos e nenas
“TARDES DE CONTOS E LENDAS” NA BIBLIOTECA DE ORDES
O GRUPO “POLO CORREO DO VENTO” estivo na BPM de Ordes o venres 24 de abril e contáronnos unha curiosa historia: “O misterio do pirata Benito Soto”. Cando remataron co conto, conseguiron facer de nós uns verdadeiros artistas, pois dibuxamos e coloreamos piratas ata transformar a biblioteca no Mar do Caribe.
“O misterio do pirata Benito”
Celebrando o Día do Libro en O Pereiro de Aguiar
Na Biblioteca Municipal celebramos o día do libro o 27 de abril da man do espectáculo “Palabras PercuDitas” , que ao ritmo da música nos descubriron fermosas historias da época da nada, cativos que descobren monstruos que se fan os seus amigos … Tanto cativos como maiores non quixeron perder o fío destes contiños.
df
“O traxe novo do rei” de Tarabelos na Biblioteca municipal “Juan Fernández Latorre” de Ortigueira
Tarabelos tróuxonos a historia “O traxe novo do rei” conseguindo que todos os asistentes estivesen moi atentos e saísen encantados.
OLYMPUS DIGITAL CAMERA
OLYMPUS DIGITAL CAMERA
O Día do Libro na Biblioteca de Cangas
O 23 de abril celebramos o Día do Libro cunha escenificación dos contos “Ajdar” e “Papamedos” , de Nanoteatro, nos que mexturaron conto, teatro e música, facendo desfrutar enormemente ao público.
A BIBLIOTECA DE ALFOZ CELEBRA O DÍA DO LIBRO
O día 27 de abril a Biblioteca de Alfoz celebrou o día do libro con unhas simpáticas pizzeiras de Sarabela Teatro. Escoitamos os seus contos facendo as ledicias do público asistente.
“O cociñeiro Antón e a pasteleira Tomasa” na biblioteca Xosé Cardeso Liñares de Culleredo
O día 23 de abril, quixemos celebrar o día do libro cunha festa especial para os rapaces, con contos e pasteis.
Antón e Tomasa divetíronnos con seu conto que gustou tanto aos pais como aos nenos. E rematou a sesión, cun obradoiro de fondant, que desfrutaron e degustaron os rapaces.
s.
Día do Libro no Porriño
O día 23 de abril co motivo do día do libro a Biblioteca Municipal do Porriño, levou a cabo un contacontos a traves da compañía “Lisistrata” baixo o lema contando en feminino.
Contos contados dende a perspectiva de xénero e igualdade. Onde o papel feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades.
Durante a semana varios centros educativos da vila redescubriron a biblioteca, por medio de visitas guiadas.
“CONTOS DE MARMELEIRO, ANÍS E LIMÓN” NA B.P.M. DE VILAGARCÍA DE AROUSA
Con motivo da celebración do “Día Internacional do Libro” levouse a cabo, na biblioteca, unha sesión de contacontos, a cargo de Marisa Irimia, animadora, ilustradora e narradora, que cautivou ós nenos e nenas asistentes.
Marisa, axudada por monicreques, bonecos e cancións centrou a atención dos máis pequenos, facendo as ledicias do público asistente.
“A maleta da avoa” na BPM de Brión para celebrar o Día do Libro cos máis pequenos
Dentro das actividades programadas para conmemorar o Día do Libro 2015, a biblioteca pública municipal de Brión organizou un serán conta contos a cargo de Raquel Queizás, que presentou o espectáculo “A maleta da avoa”. Unha divertida sesión con historias dirixidas a nenos e nenas maiores de 3 anos de idade, con obxectos e monicreques.
Esta actividade foi patrocinada polo programa “Ler conta moito” da Rede de Bibliotecas de Galicia e celebrouse na sala infantil da biblioteca municipal cunha asistencia duns 26 persoas, entre nenos e adultos.
Séguenos