Actividade Contos para despistados na Biblioteca Pública Municipal María Baña (Cabana de Bergantiños)

Biblioteca Pública Municipal áría Baña

Ler máis →

O venres 24 de maio visitou á sección infantil da  nosa biblioteca PABLÍSIMO cos seus Contos de Sobremesa. Espectáculo de narración oral, onde desfilaron innumerables historias,contos,personaxes,bonecos enriba dunhas mesiñas. Os nenos e nenas que asistiron á biblioteca  disfrutaron moito do espectáculo , sobre todo os máis pequenos. Os nenos/as participaron de forma activa do espectáculo e pasaron unha tarde moi divertida.

O día 23 de maio, a escritora e contadora de contos, Charo Pita, achegouse á Biblioteca Municipal Infantil e Xuvenil da Coruña para agasallarnos cunha chea de historias e cancións para as e os máis pequenos e as súas familias.

Desfrutamos dunha tarde chea de bicos, aloumiños e risas cos contos e cancións para os/as máis pequenos narrados con efectos sonoros, libros de imaxes e rimas escoitadas á calor das apertas.

Se queres comprabar como desfrutaron os máis pequerrechos visita a Galería Fotográfica de Bibliotecas Municipais A Coruña

A actividade forma parte do programa de animación á lectura “Ler conta moito”, da Consellería de Cultura da Xunta de Galicia.

Traballando en equipo

O pasado  24 de maio a biblioteca municipal  encheuse de novos artistas (e non tan novos)  que dirixidos por María Nöel crearon os seus propios mundos con plastilina.

María, escritora e  ilustradora, conseguiu que nenos e grandes, utilizando plastilina e todo tipo de materiais reciclables crearan a sús propia historia.

Dragóns, peixes, paisaxes  fantásticos, princesas ,  futbolistas invadiron a nosa biblioteca….

O bosque encantado

Ratos na biblioteca! Os ratos van ao mar a cargo de Trinketrinke Teatro

O 5 de xuño a partir das 18:00 h celebramos o “Día Mundial do Medio Ambiente” cunha visita moi especial. Os ratos de Lonxedetodo trouxéronnos un divertido contacontos teatral no que os condutores das actividades foron unhas personaxes fantásticas: os Ratos da Biblioteca, que proceden dun lugar chamado Lonxedetodo, onde os libros e a lectura ocupan un lugar sobranceiro na vida da comunidade.

A zona de contacontos da biblioteca estaba decorada para a ocasión con paneis no que se amosaba o mar, praias e barcos pirata.

Os Ratos de Lonxedetodo son grandes viaxeiros, coñecen contos moi bonitos sobre o mar e un día deciden embarcarse. Lupiña, a ratiña de Lonxedetodo compartiu cos asistentes incribles contos sobre o mar, as baleas e os piratas.

Os contos foron narrados utilizando técnicas diversas: narración oral,amosando as ilustracións, teatro de monicreques,teatro de sombras, de obxectos,dramatizacións coa participación do público…

A Ratiña de Lonxedetodo, ao remate da función  descubriu unha sorpresa que tiña preparada para os nenos: nun lugar da biblioteca e tapado cunha tea laranxa había un expositor para os “Contos Favoritos dos Ratos “. Nel expuxéronse arredor de 50 contos identificados cun distintivo coas caras dos ratos. Deste xeito pretendíase visualizar os fondos e darlles saída a través do empréstito, favorecendo este dende o vínculo afectivo establecido entre os nenos e os Ratos de Lonxedetodo durante o Contacontos. Trinketrinke colaborou na selección dos contos propoñendo 25 títulos existentes na Biblioteca e o persoal bibliotecario elixiu o resto. Os contos foron identificados cos distintivos dos Ratos de Lonxedetodo.

Ao remate da sesión, os asistentes amosáronlle á Ratiña as instalacións da biblioteca. Lupiña levou varios contos emprestados e animou a que todos os nenos e nenas tamén o fixeran.

 O acto rematou coa entrega dos premios do II Concurso de Fotografía Medio Ambiental, unha iniciativa na que participan alumnos de toda a localidade, cuxos traballos forman parte dunha exposición fotográfica na propia biblioteca. Lupiña non quixo perder a oportunidade de saír na foto coas gañadoras e o concelleiro.

O día do Libro na Biblioteca Municipal de Vilalba celebrouse dentro do Programa Ler conta Moito, subvencionado pola Consellería de Cultura unha sesión de contacontos a cargo de Trinketrinke dirixido a nenos en edades comprendidas de 3 a 8 anos.

Lili, a ratiña de Lonxedetodo encheu a nosa Biblioteca de ledicia, música e contos. Tendo moi boa acollida entre os nenos e os pais que os acompañaron.

Como actividade complementaria fixoselles o carné de socio aos nenos que non o tiñan, para logo poderen levar en préstamo unha selección de libros expostos, axeitados a súa idade.

O día 15 de maio ás 18:30 horas o grupo EDUVIA, estivo xogando cos nenos/as a “As 6 caras das Letras Galegas”, ademáis de pasárselo ben, aprenderon moito sobre as Letras Galegas e Roberto Vidal Bolaño. Tamén conseguiron puntos e premios en forma de lacasitos. Os nenos/as saíron contentísimos.

comic

Outra das actividades programadas para a Semana do Libro, foi “Obradoiro de manga” a cargo de Gochi, un gran debuxante.

Este encontro tivo lugar o 25 de abril ás 18:30 horas. Dirixido a nenos a partir de 9 anos. Saíron todos encantados con  o que aprenderon e debuxaron.

Día 31 de maio de 2013, ás 17:00, na biblioteca de Escairón

Para clausurar por todo o alto o mes das Letras Galegas, no que ademais de clausurar a exposición bibliográfica de Roberto Vidal Bolaño, quixemos celebrar a entrega de premios do Certame de Narración e Debuxo Infantil “Letras Galegas” (convocado anualmente pola Biblioteca Nodal de Lugo).

Para rematarmos a a festa, o Duende Dada de Eduvía, dentro do programa Ler conta moito, tróixonos contos moi variados e divertidos, co último dos cales, unha nena de 12 anos que traballaba recollendo algodón, á que un día lle falaron dun sitio maravilloso chamado O MAR, e decidiu ir coñecelo.

Co conto, ensinounos unha canción nun idioma novo para nós (o wólof) e un baile moi simpático que acompaña a canción do conto, que só algúns valentes bailaron co duende. Cada parte do conto conta cunha estrofa da canción (cando está recollendo algodón facendo bólas con el, cando inicia a viaxe facendo autostop e cando chega a ver o mar e bota crema protectora) e un baile con movementos que imitan a acción que fai a protagonista:

Paké tume tume papa paké tume tume pá
Tutué tutue tata tutué tutue tá
Iene iene ieneiá, iene iene ieneiá

O Duende Dada tamén nos dixo que tódolos libros da biblioteca se poden ler alí, pero que moitos tamén se poden levar libros para a casa se se é soci@ da biblioteca e cales son os requisitos para facerse soci@. Complementariamente á actividade, temos unha selección de libros de animais para coñecer as características dos que escoitamos na sesión Contacontos animaliños do Duende Dada.