Os nenos e nenas de Cerdedo-Cotobade lograron ser autores e protagonistas ao mesmo tempo do seu propio conto, a través do obradoiro “Fotoconto” que se levou a cabo o pasado venres 16 de outubro na Biblioteca de Cerdedo.

Non lles faltou creatividade a ningún deles para deseñar unha historia fantástica.

Ao remate da actividade visualizaron a montaxe do seu libro e poideron ver as ilustracións coas súas fotografías. En breve contaremos con este novo conto na nosa Biblioteca para que todos o poidades ler.

O xoves 15 de outubro os rapaces de Polo correo do vento visitaron a biblioteca Enrique Rivera Rouco nas Pontes. Aprendimos con eles moitas cousas sobre Ricardo Carvalho Calero e puidemos desfrutar dos seus debuxos. Os nenos e nenas tamén fixeron a súa propia caricatura do escritor que levaron para casa. Saíron moi ben.

Pedrina na montaña é un relato impregnado de valores como o amor pola natureza, o respecto aos maiores e a importancia da familia. Soraya Lema usa  variados recursos visuais e auditivos para transmitilos (música, sons, ilustracións,  esculturas, disfraces..) de xeito que a trama nunca perde interese.

O xoves 15 de outubro Tropa de Trapo visitou a biblioteca municipal de Monforte de Lemos e dende as seis ata as sete do serán contoulles contos aos nenas e nenos que acodiron a velos e escoitalos. Non é a primeira vez que nos visitan, e coma en veces anteriores engaiolaron ao público que participou nos seus  contos nos que as protagonistas non son princesas nin heroínas ao uso, senon cociñeiras, leiteiras e elefantas , personaxes que loitan polos seus dereitos e os  de os demais.

Esperamos que volvan en anos sucesivos e velos e disfrutalos de novo.

O martes 6 de outubro, chegou a Biblioteca de O Froxel, CELTIA FIGUEIRAS con “OBRADOIRO DE IMAXINAR TAMEN CONTA”.

A actividade consistiu en ensinar aos nenos, a posibilidade que teñen de imaxinar e ser protagonistas das historias que se contan, baseada neste  obradoiro nos libros sobre monstros.

A actividade foi un éxito polo interese e a participación dos nenos

O martes 13 de outubro, chegou a Biblioteca de O Froxel, PABLÍSIMO e presentou  “CONTOS CON OVOS”.

A actividade consistiu en facer dos ovos unha temática sobre o que os contos foron saíndo de xeito moi divertido para os nenos.

A pesar da capacidade limitada e a distancia de seguridade, a actividade foi todo un éxito.

O venres 2  tivemos xornada para a divulgación científica da man de Vicente Mohedano e o seu Be water!. Trátase dun show que combina explicacións teóricas con experimentos prácticos nos que o público asistente ten moito protagonismo. Partindo do concepto da auga, cubre un importante espectro de temas relacionados con este elemento. Unha estupenda forma de aprender e divertirse.

Non hai mellor maneira de apreciar os contos que que chos conten como fai Vero Rilo. Onte escoitamos historias como Velliñas ou A vaca que puxo un ovo, e se xa antes nos gustaban, agora moito máis!

O mércores, 14 de outubro, os ovos foron os protagonistas de contos e adiviñas acompañados por obxectos que producían son, monicreques e música. O resultado da mestura foi unha actividade moi interesante e divertida na que as crianzas participaron de forma activa.

Ana Facchini e  a súa maleta chea de contos, achegáronse, o martes día 13 de outubro ata Biblioteca Municipal da Silva. Tanto conta, conta tanto é un espectáculo cheo de historia, que nos ensinaron que todas/os somos igualiñas/os e que  os soños se poden cumprir, por moi aloucados que nos semellen.