Na alta montaña lucense gozamos dun pequeno gran festival de cine: o Festivaliño na biblio. Todxs xs asistentes puideron ver as mellores curtas do mundo seleccionadas en exclusiva para a ocasión. Ademais, entre curta e curta, cantamos unha canción (ou dúas).

   Os contos de Pablisimo buscaba  príncipes rosas…e princesas azuis en Irixoa. Contos de valentes princesas enfrontandose a dragóns e de príncipes que lavan a roupa e pasan o ferro!,  o príncipe cincento, As princesas tamén botan peidos e unha versión gamberra e interactiva de A PRINCESA E O CHICHARO de modo moi ameno e divertido.

Bromas sen fin, participación do público e humor, moito humor son as chaves desta adaptación circense do clásico conto “O flautista de Hamelín” no que descubriremos o que sucedeu en realidade.
A través do clown, os malabares, o xogo e a participación do público contaronnos como a aldea de Hamelín foi tomada por unha praga de ratos que molestan e fan imposible a vida dos seus habitantes.
Xa coñecedes a historia que vos contaron, é hora de coñecer a verdadeira historia de Hamelín.

Espectáculo a cargo de  MOC MOC  Espectáculos y animación.

Ciencia en movemento

Foi o xoves 29 de xullo, na Axencia de Lectura Municipal Xosé Cardeso Liñares de Vilaboa, Culleredo. Magnífica actividade para os rapaces, encantados de coñecer experimentos de científicas ao longo da historia, tanto pasada coma recente, mesmo unha galega na NASA 

O día 28 de xullo tivemos na nosa biblioteca de O Burgo a Manuel Vicente con “Laboratorio de cambio climático”. Os rapaces aprenderon a  importancia de coidar e cómo utilizar o que temos no noso planeta para non deterioralo máis. Con preguntas moi interesantes, proxección de noticias ao respecto e algún caso práctico… saíron concienciados que coidar o planeta depende de todos.

Pakolas visitou Irixoa co seu espectáculo “Rokeamos todas con Pakolas”.  De xeito divertido, e coma sempre a ritmo moi rockeiro, as nenas e nenos aprenderOn da importancia de medrar e vivir en igualdade, a través das protagonistas das cancións e contos de ELAS:  nenas, mulleres, figuras femininas inspiradoras que nos dan a coñecer diferentes historias de superación da desigualdade, de loita polo respecto e a liberdade.

Abraiados e abraiadas marcharon os e as asistentes ao espectáculo Historias fabulosas, dous magos e outras cousas de Ian e Elisa.

Ian e Elisa en Touro

Ian e Elisa Touro

Rapaces de Culleredo desfrutaron  desta actividade de novo, con Iria Mejuto. Foi na Axencia de Lectura Municipal Xosé Cardeso Liñares de Vilaboa, Culleredo, o xoves  22 de xullo. Pasárono moi ben reciclando vellas caixas,  convertíndoas en agasallos. 

Onte os rapaces e rapazas das Pontes riron de boa gana co espectáculo de Moc Moc, A verdadeira historia de Hamelin. Ademais da narración oral do conto tradicional, versionado por Moc Moc, tivemos oacasión de asistir aos seus números de malabares e clown, que foron do máis divertido e que entretiveron a grandes e pequenos. Un pracer contar con actividades deste nivel.

María achegounos a  Guatemala a través dos 5 sentidos. Explicounos onde está, a que ule, a que sabe, as roupas e costumes das súas xentes… Todas as nenas e nenos recibiron como agasallo un exemplar  da colección Contos do Mundo para seguir traballando a interculturalidade.

Que ben o pasamos e canto aprendimos!!!!