O luns 19 de maio dezasete nenos e nenas participaron no obradoiro creativo para facer un retrato cubista do autor ao que se adica este ano o Día das Letras Galegas.

Fixeron un retrato cubista do autor que simboliza as diferentes facetas artísticas do mesmo, e a súa doble condición de poeta e traductor.

O resultado foi do agrado dos pequenos artistas que opuxeron moito da súa colleita. Dende logo ningún retrato foi igual a outro, todos deixaron ver a imaxinación de cada un dos autores.

Ciencia  e máis contos, unha boa combinación para entreter aos máis pequenos. A intérprete consigue cautivar cos seus relatos breves e cos experimentos científicos.

A Biblioteca Pública Municipal de Campo Lameiro celebrou o Día das Letras Galegas 2014 cun obradoiro creativo levado a cabo por Larraitz baseado no poema “Esmeralda”, do autor homenaxeado este ano Xoxé María Díaz Castro.

Esta actividade levouse a cabo na Biblioteca o pasado mércores 14 de maio e nela participaron uns 20 nenos e nenas de 5º e 6º curso do CEIP Pedro Antonio Cerviño, que recortaron e pegaron versos do poema “Esmeralda”, tanto en galego como traducido a outras lenguas (inglés, francés, euskera, catalán, aranés, filandés…), cos que crearon unha paisaxe que logo pintaron.

       Neste obradoiro cada un dos participante elaborou un retrato do autor homenaxeado no Día das Letras Galegas.

Os retratos de Díaz Castro quedaron expostos a modo de mural na sala infantil da biblioteca para dar a coñecer e recordar ó poeta chairego

Onte Xoves 15 de Maio ás 13:00 horas na Sala de Lectura de BIBLIOPAZOS celebramos o DÍA DAS LETRAS GALEGAS, coa sesión de contacontos “O misterio do pirata Benito Soto” a cargo de Enrique Mauricio e Carlos Taboada de Polo Correo do Vento.

Unha historia de misterios que mestura a oralidade coa ilustración e que rematou cun obradoiro de debuxo de temática pirata.

Este foi o resultado.

O día 14 de maio na biblioteca de Covelo estivo Teatro Babaluva cos nenos de 3º e 4º do colexio. Os nenos disfrutaron moito mostrando a súa creatividade a través deste obradoiro, facendo diversos  persoaxes coa axuda de frutos secos, verduras e diversos alimentos.

O martes 13 de maio realizamos na biblioteca do Porriño un obradoiro de banda deseñada impartido por Xosé Tomás. O nome do obradoiro era Coñécete a través dos cuadriños, e a través del pretendíase achegar aos rapaces e rapazas a un medio tan complexo e aglutinador ao público a través da implicación persoal.

Deste xeito, traballamos a creación de guións baseados en historias cotiás, da vida mesma, afondando en valores como as relacións humanas saudables, o respecto na convivencia, así como en aspectos como a creatividade e a imaginación. Tamén abordamos a creación de personaxes e as técnicas para facelo, e traballamos os códigos da banda deseñada: as viñetas, as elipses narrativas, a montaxe de páxinas, os planos cinematográficos, etc. Botando man de obras destacadas do mundo da banda deseñada, exemplificáronse as diversas temáticas ás que se poden facer fronte  e como se poden empregar.

Foi unha mañá arredor da banda deseñada, o que fixo as delicias dos rapaces e rapazas que ateigaban a sala de consulta da biblioteca porriñesa.

Unha boa forma de festexar o Día das Letras Galegas cos nenos/as de 4 a 12 anos foi visitar o sábado 10 de maio a biblioteca de Mos e alí  xogar a crear unha paisaxe collage descubrindo a poesía “Esmeralda” de Diaz Castro. Cortamos, pegamos e pintamos versos en galego, euskera, aranés, filandés…

O 6 de maio a Biblioteca Pública Municipal de Ribadavia organizou un obradoiro da man de  Xosé Tomás Díaz Teijo que fixo un obradoiro de banda deseñada para nenos da ESO, na que lles ensinou os principios básicos do cómic e despois levárono á práctica coa elaboración dunha viñeta.

O día 12 de Maio pola mañá, 19 nenos de 5º de primaria do Celexio Pablo VI-Fátima da localidade participaron no obradoiro “Retratando a Díaz Castro”. Este obradoiro creado por Mirari Urruzola, achegou a figura do homenaxeado das Letras Galegas os nenos, mediante a tecnica cubista, posto que esta emprega a perspectiva multiple, a mais axeitada para plasmar as diferentes facetas do autor, como son as de poeta e tradutor de 14 linguas. Os nenos seguiron con atención as indicacións da monitora e realizaron 19 graciosos retratos cubista de Díaz Castro o tempo que coñeceron mais datos do homenaxeado.