Hoxe unha moura e un trasno visitaron a nosa biblioteca para estar cos nenos e nenas de Chantada porque queren salvar o bosque e precisan a axuda de todos os asistentes.
Para iso deben atravesar probas e descubrir a mitoloxía e a natureza galegas entre xogos, contos, cancións e malabares.
Actividade moi participativa e entretida.
Unhas trinta persoas disfrutaron do espectáculo de Jara Ortiz na Biblioteca de Conxo.
A artista conduciu á rapazada, moi atenta e participativa, ó mundo das regueifas e cantareiras.
Declamou con moito sentimento os versos da poeta de Cantares Gallegos coa axuda do bombo e a pandeireta.
Tanxarina encheunos de recordos do circo tradicional co seu Titiricircus. O señor Bigotini o forzudo, Josefina a cobra co encantador Palindranati, o malabarista Tato e o señor Venacio co seu monociclo fixéronnos pasar unha tarde do máis circense.
Maxia divertida, moito humor e interacción co público, o ilusionista Pedro Bugarín conquistaba aos rapaces de ASFAVAL, que o aplaudían encantados ao rematar a función.
O 30 de maio, para rematar o mes das Letras Galegas, tivemos un contacontos para bebés da man de Carlos Alba. Contou breves contos utilizando pequenas marionetas de dedo e cancións con instrumentos musicais sinxelos, animando así a participar ás nais e pais cos seus bebés.
Unha tarde chea de contos para as crianzas máis pequenas con Bea Campos, de Migallas Teatro e o seu espectáculo “Cinco ratiños de conto”. Con historias, rimas e cancións que fixeron gozar tanto ás nenas e nenos como aos maiores.
Esta mañá na Biblioteca Municipal Concepción Arenal de Miño tivemos unha visita moi especial, 36 nenos e nenas da Escola de Bemantes(Miño) e de Torres (Vilarmaior), acompañados polas súas profesoras, viñeron a coñecer a biblioteca e a xogar coas rimas e escoitar os contos do espectáculo "O caracol namorado" de TrinkeTrinke Teatro.
Pasámolo todos e todas moi ben co rato Fuco e os seus amigos o caracol e a ra. Gustáronnos moito as súas cancións e a música do seu acordeón.
O mércores 29 de maio de 2024 acompañounos Yolanda Castaño co seu “Contacontos en verso para nenos e nenas”, onde cunha gran sensibilidade achegounos ao mundo da poesía e pasamos unha formidable tarde entre versos.
…
Tarde de contos e cantigas na que todos gozamos de boas historias!
Tarde de diversión tanto para a cativada como para os adultos co espectáculo Güe- güe de Barriga Verde na Biblioteca de Lalín! Pasámolo xenial!!
Séguenos