O 13 de xuño visitounos Marisa Irimia con varios varios contos de magos,nen@s e maiores pasamos unha tarde moi divertida.

O Mago da Boina e a súa axudante, a maga Nami animaron co seu maravilloso espectáculo cheo de maxia e humor o encontro interxeracional entre o alumnado de Primaria do CEIP Xosé Luis Taboada e os residentes do Fogar Residencial do Concello de Carballedo.

Na biblioteca Municipal Isidro Novo de Lugo, recibimos a Paula Carballeira co seu espectáculo “Tres Irmás, tres camiños e tres grandes perigos”. Un contacontos no que a interpretación de Paula é a protagonista, conseguindo atraer a atención tanto dos nenos e nenas asistentes, como dos seus pais. Moi recomendable!

Paco Nogueiras estivo na tarde de entrega de premios da biblioteca Municipal e logrou crear un clima moi festeiro e participativo de toodo o público,infantil e  adulto.Foi unha tarde de música,bonitas letras ,bromas,xogos etc que gustaría repetir.

Co seu espectáculo Quiquiriquí! Raquel Crespo fíxonos desfrutar dunha tarde chea de contos.

A cativada achegouse onte en Bueu aos contos a través da maxia. Foi  da man da actividade “Contamaxias” do Mago Paco. Un espectáculo moi divertido do que gozou o público infantil e familiar na Biblioteca Municipal Torrente Ballester.

O martes 11 de xuño  ás 18:00h. o CL Pintor de Castinande contou   coa presencia de Soledad Felloza, actriz, contadora de historias, fotógrafa e dramaturga.

O seu espectáculo, chamado “ESTRELAS”, está cheo  dun montón de historias baseadas na narrración oral galega. “Estrelas”  “é un espectáculo de historias de rapazas e mulleres reais e do mundo literario que loitan por un mundo sen violencia e con igualdade plena.  Pasamos unha tarde estupenda.

A biblioteca de Mugardos descubriu o luns á tarde que a vila está chea de mulleres talentosas con moita creatividade! E foi no obradoiro “Iluminadoras”, da man de Natalia de MujerArt, no que, logo dunha primeira parte didáctica sobre a figura das iluminadoras medievais, levaron a cabo un obradoiro de modelado de arxila na que elaboraron cadanseu candeeiro. Unha actividade que orientamos a un público de +65 cun resultado máis que satisfactorio!

Hoxe tivemos a sorte de escoitar os contos que nos tiña preparados Anxo Moure e ata demos un pequeno paseo pola praza da igrexa do noso pobo na súa ciclobiblioteca! A rapazada pasouno xenial entre contos, risas e moita música!

O alumnado de secundaria do Cpi dos Dices gozou o 10 de maio no auditorio dunha mañá de regueifas. Lupe Blanco, unha das voces imprescindibles na expansión actual da regueifa, explicou á cativada as características desta disputa dialéctica improvisada e en verso que forma parte da nosa tradición oral.

Os nenos e nenas tamén tomaron a palabra con moitas arte e demostraron que teñen madeira para regueifar.

A actividade forma parte da iniciativa ALinguamos cos centros educativos que o Concello inclúe na programación  Rois no Camiño das Letras Galegas e forma parte do programa Ler conta moito da Xunta de Galicia.

#OCamiñodasLetrasRois #maioenRois #RoiscoasLetrasGalegas #regueifas #concelloderois #lercontamoito