Un taller de costura dunha familia vai cobrar vida a través das historias, cancións e coplas que nos ensina a avoa á súa neta e aos espectadores.
A maxia envolveunos porque os obxectos e utensilios do taller cobraron vida.
Esta sesión foi unha homenaxe a todas aquelas mulleres que foron unha avanzada en calquera sector.

O pasado luns  visitou a Biblioteca de Cerdedo o Mago Paco co seu espectáculo Maxia divertida “Contamaxias”. Un espectáculo cargado de historias fascinantes acompañadas de maxia e moita imaxinación que fixeron desfrutar a pequenos e maiores. A diversión, as risas e as sorpresas estiveron aseguradas durante toda a función.

Alumn@s de 2º e 3º ciclos do C.E.I.P. de Moeche pasaron un bo anaco da mañá do día 29 de setembro aprendendo a redactar, locutar, gravar e editar un podcast. Con técnicas de locución, teatro e dobraxe. Lectura inerpretativa, modulación de voz, vocalización e locución. Todo o cal lles resultou do máis interesante e ameno.

Onte pola tarde volveunos a visitar TrinkeTrinke Teatro, na axencia de lectura de Oubiña,  co espectáculo ” O ratiño presumido”.

Co rato Fuco e a ratiña Lily Gruyere chegados de Lonxedetodo, dándolle a volta ao conto clásico para amosar a un ratiño que racha cos estereotipos de xénero.Volveu a ter moi boa  acollida por parte do público.

Pasárono xenial!!

O pasado xoves recibimos na Biblioteca de Cenlle a Blanca Millán e R. J. Peralta que cantaron e contaron fermosos contos dos que disfrutaron moito os usuarios máis cativos da Biblioteca.

Onte pola tarde achegouse á BPM do Ézaro, no concello de Dumbría, Fazulas e o ladrón de paraugas da man da compañía Bandullo Azul.

Unha bonita historia baseada no libro O ladrón de paraugas que, coa axuda do monicreque Fazulas e a actuación de Fran, conseguiu meter aos asistentes no conto.

Unha tarde ben entretida!

O dia 29 de setembro tivemos con nos na biblioteca pública Francisco Carballo de Maceda aos nenos de quinto e sexto de primaria do colexio publico de Maceda, asistindo á actividade “Museo Científico ou Escape Room” da temática astronautica, cun ambiente moi participativo, na que nenos e nenas disfrutaron e aprenderon xogando. Moi recomendable!

O luns 2 de outubro, pudemos disfrutar das fermosas historias que nos contou Cris de Caldas do seu espectáculo “A Bibliotecaria Estrafalaria” libros cheos de debuxos, cores, maxia, con personaxes valentes e persoxes malos, historias inventadas e contos grandes, pequenos, con sorpresas. Todo esto fixo as ledicias do público asistente.

Esta semana pasada tivemos o pracer de contar co Mago Charly , co seu “Taller de Maxia”.

Unha tarde divertidísima e que os rapaces e rapazas lembrarán. Viñeron acompañados dos seus familiares, co que o espectáculo, no salón de actos, foi todo un éxito! 🙂

Os alumnos de 1°e 2° da ESO do IES Plurilingüe Fontem Albei de A Fonsagrada participaron esta mañá nun Escape Room na Biblioteca Pública Municipal do Concello de A Fonsagrada .
Neste xogo de aventuras físico e mental a rapazada resolveu unha chea de indicios e enigmas contra o reloxo.