O día 28 de xullo Brais das Hortas fixo levantar tanto aos nenos e nenas e aos adultos das súas cadeiras xa que o concerto estaba cheo de rítmo. Foi unha tarde do mais entretida.

O día 14 de xullo ao Pereiro de Aguiar achegáronse Treatro Calavera para que todos os nenos e nenas coñecesen da man da exploradora Jeanne Baret a todos os animais salvaxes cos que ela se encontra nas súas aventuras. Todos os nenos e nenas participaron de xeito activo nas súas historias.

O sábado 9 de setembro chegou Electra, de Pedras de Papel Artesanía, á Biblioteca Pública Municipal de Betanzos para ensinarnos as técnicas de cestaría tradicional. Nun obradoiro dinámico e divertido, pequenos e maiores aprenderon a trenzar papel reciclado para crear os seus propios cestos. Ao tratarse de materiais reciclados, agora poden repetir a técnica na súa casa e facer un cesto…ou un cento!

O venres 8 de setembro recibimos a visita dos Ratos de Lonxedetodo, que contaron as súas investigacións sobre outros animais que viven arredor e aproveitaron para contarnos algúns contos que teñen a estes animais como protagonistas. Espectáculo que combina narración, música e moita diversión.

O Mago Paco presentounos unha morea de contos e historias a través de xogos e da maxia, levando  a nen@s e maiores a descubrir a “maxia divertida” que agochan os contos. Desta volta, este peculiar personaxe, argallou novas maxias engadindo a risa e algún susto como elemento principal para sorprender ao público asistente. .

O venres 1 de setembro, visitounos Carmen Domech para presentarnos os espectáculo “Onde viven os monstros”. Baseado na obra de Sendak, Carmen fixo un repaso a obras con monstros como protagonistas, mesturando narración oral con títeres. Así, ademais do conto que da título a este espectáculo, aprendimos qué monstros hai dentro dos alimentos ou como coñecer os sentimentos e emocións coa axuda  do monstro de cores

Unha divertida granxa cun galo en apuros. Rimas e cancións no relato.

Na mañá do mércores 30 de agosto Sabela fixo sentirno protagonistas dun conto teatralizado onde ás veces as cousas non son o que parecen. Uxía atopou agochado no seu garabato un barco pirata  na busca dun tesouro. A imaxinación foi a nosa aliada na aventura pirata .

Relatos sobre a diversidade na vida cotiá. Estimulantes historias maxistralmente narradas.

O día 28/08/2023 na Biblioteca municipal Segundo Gil Davila de Arbo tivo lugar esta actividade  centrada na igualdade e en historias relacionadas con esta temática. Todo o tempo foi moi dinámica e participativa, tanto cando contaba historias, como tocando a guitarra e cantando poemas de Rosalía, como cos monicroques. Fala de diferentes aspectos da igualdade: o respecto, tratar aos demais como queres que te traten, ou que ser diferente é “fantástico”.  Incluso houbo momentos para bailar seguindo uns pasos. En resume, unha actividade divertida e na que se foi adaptando a todas as idades para que todos puideran participar.

A actuación comezou ás 11.30 h e rematou ás  12.30 h; acudiron un total de 31 nenos e nenas de seis a trece anos de idade, e 6 adultos.