O venres contamos co grupo “Música Miúda” e  co noso estupendo público. Éxito total, marabillosa actuación!

Ata a bibllioteca pública municipal de Guitiriz acheoguse Lorena de Biophilia Axencia Ambiental a falarnos das bondades da cosmética e limpeza ecolóxicas.

As  persoas participantes  aprenderon de primeira man de que están feitos os produtos cos que limpas a casa e o teu corpo, así como os seus efectos sobre a saúde e o ambiente.

E tamén descubriron as alternativas naturais que podes encontrar no mercado e como facelas na casa.

O venres 26 tivemos a visita das autoras do álbum ilistrado Monstr3s, que explicaron todos os pasos que hai que dar para facer un libro, cómo facer as ilustracións, cantas persoas fan falta para que o libro chegue ás nosas mans… E por suposto puidemos coñecer a historia que contén Monstr3s.

O sábado 27 de setembro tivemos unha cita moi especial na Biblioteca de Narón. A actriz Iria Pinheiro convidou a nenos, nenas e familias a celebrar a diversidad cunha festa de contos chea de humor, imaxinación e teatro de obxectos.

As súas historias cheas de maxia e diversidade fixéronnos rir, sorprendernos e soñar a partes iguais.

O mércores 24, tivemos na biblioteca de Bertamiráns a Caxoto co espectáculo “Grandes Éxitos 2004 – 2024”, unha actividade onde estivo presente a narración oral e a música. Foi moi divertido ver como tocaba e facía son con distintos instrumentos, moitos deles descoñecidos polos cativos que en todo momentos estiveron atentos e participativos.

O xoves 25, tivemos a sorte de poder gozar das historias e pócimas que a Alquimista nos trouxo ata a Bibliteca do Milladoiro, os cativos estiveron en todo momento moi atentos e participativos.

Onte tivemos o gustazo que contar coa presenza de Alba Farto, debuxante e ilustradora, na bilio de Mondariz Balneario, onde nos ensinou moitísmo contido sobre a arte do deseño de letras co seu “Obradoiro de lettering”.

As participantes deron os primeiros pasos nesta arte empregando diferentes ferramentas para acadar o coñecemento mínimo que lles permita seguir a profundar nas súas casas e desenvolvan a súa creatividade.

Foi unha marabilla ter a Alba con nós e agardamos que pase outro día para profundar nas técnicas do lettering.

Onte xoves 25 de setembro contamos con Escola de dragóns, un conto moi divertido no que os nenos e nenas  convertíronse en entrenadores de dragóns.

Quedaron abraiados ca historia de Zog, e mostráronse moi participativos.

Presenciamos unha actividade moi dinámica con narración oral, e moitas sorpresas. Unha tarde de dez.

Dirixido a maiores de 6 anos…

María Lado achegouse ás Pontes para contarnos cousas arredor do mundo das cantareiras e das Letras Galegas. Ademais de explicarnos como construiu o seu libro sobre este tema, charlamos da importancia da trasmisión oral, da cultura tradicional e de literatura. Moitas grazas, María.