A cabeza do dragón de Títeres Cachirulo en Cordeiro
O príncipe Verdemar é desterrado do seu fogar, coa axuda do trasno Federico loitará contra bandoleiros e mesmo contra
un dragón para salvar á princesa Blancaflor.
Saltar a ligazóns de pé de páxina
DÍA DAS BIBLIOTECAS
A biblioteca Celanova propúxose celebrar o Día das Bibliotecas cun obradoiro sobre ciencia. Moi boa resposta dos rapaces e rapazas de Celanova para aprender e divertirse.
Eí van os nosos próximos premios Nobel de Ciencia
Xarope Tulú na Biblioteca Central “Henrique Rabuñal” de Arteixo
Este xoves, 21 de outubro, estivo connosco amenizando a tarde para a rapazada, Xarope Tulú.
A través de diversas historias iremos descubrindo eses mundos invisibles que nos rodean, eses outros xeitos de vivir. Rapazas que soben e baixan escaleiras, bicicletas e parrulos, moitos parrulos. Con este argumento de fondo, foi como Atenea, seduciu aos cativos e cativas que viñeron á Biblioteca na tarde de hoxe. Ademais de desfrutar das animacións, foron partícipes en todo momento dunhas historias que fixeron as ledicias de todo o público presente.
Brilla-brilla na Biblioteca de Narón
A sala de actividades da nosa biblioteca acolleu o sábado 16 de outubro Brilla-brilla, un espectáculo para bebés da compañía Trémola Teatro.
As familias participantes quedaron abraiadas da gran calidade desta actividade na que as artistas conseguen manter a atención dos/as bebés en todo momento.
OBRADOIRO DE PODCAST na BIBLIOTECA FRANCISCO CARBALLO de MACEDA
Damián Alonso Lorenzo( Solovoz) estivo cos nen@s de 3º E.S.O do I.E-S SAN MAMEDE de Maceda. Aprenderon a redactar, locutar e editar un podcast con técnicas de teatro e dobraxe.
EU TAMÉN SON UNHA HEROÍNA na BIBLIOTECA FRANCISCO CARBALLO de MACEDA
Obradoiro de comic feminista con Ticiana Ghiglione Darriba e os neno@s de 2º E.S.O. do I.E.S- SAN MAMEDE de Maceda
Caxoto visitou a Biblioteca Municipal Os templarios (O temple – Cambre)
Este xoves 21 tivemos unha divertida tarde familiar na Biblioteca Municipal Os templarios (O Temple-Cambre) coa sesión “Levántate Xan (contos para bebés)”; unha función chea de animais, pequenas historias e cantigas para recrear o día a día na granxa de Xan. A sesión estivo a cargo do narrador oral Caxoto, da compañía A trastenda dos contos.
Un grupo de avoas pasaron por Ares
Un grupo de avoas chegaron á biblioteca de Ares,
e estiveron contando cousas de avoas moi divertidas……
Cantamos e bailamos tod@s xunt@s
A peregrina máxica de Leo Leíño na Biblioteca de Fene
Hoxe pechamos o ciclo “Ler Conta Moito” cun espectáculo que por dúas razóns foi moi especial: pola maxia do Camiño de Santiago e pola maxia da actuación de Leo Leíño coa súa obra ” A Peregrina máxica”. A través de trucos de maxia Leo Leíño ensinou ós nenos e nenas asistentes moitas curiosidades do Camiño de Santiago, dende qué precisamos para facelo ata cómo conseguir a compostelana.
Moitas grazas a tod@s pola vosa asistencia e participación e a Leo Leíño por un espectáculo cheo de maxia e encanto!
Pablísimo na B.P.M de Mondariz-Balneario co “Arquivo do chibo”
Pablísimo e o lobo
No día de hoxe, 21 de outubro, veunos visitar Pablísimo á biblioteca de Mondariz-Balneario, e coma sempre, o público quedou encantado coa contada sobre cabras, cabuxos, castróns, chibos e como non… lobos!!! 
Encantounos o teatriño con todas esas xanelas a través das que Pablo nos contou os contos tradicionais e os non tan tradicionais. Agardamos que nos volva visitar axiña con máis contos tan espectaculares coma estes.
Séguenos