O día 5 de Outubro tivemos na nosa biblioteca a Charo Pita, coa súa actividade Dondondirindonga e Dondondirindon, son dúas campás que viven no alto dunha torre. O mundo todo coñece o seu cantar, pero un día as campás enmudecen. Quen será capaz de devolverlles a voz?

Vai contando a historia con distintos libros, instrumentos, e sons os nen@s estaban encantados. Gustou moito.

      Supervoladora, Cazaman, Superconejo, Superunicornio… estes son algúns dos superheroes e superheroínas que xurdiron da imaxinación dos nenos participantes no Obradoiro de Laura Alonso “Constrúe o teu propio superheroe ou superheroína” este luns 8 de outubro na biblioteca de Dorneda. Unha interesante e imaxinativa actividade que despertou a creatividade dos asistentes.

O venres 5 de outubro estivo na Biblioteca de Sober o cantautor  Manoele de Felisa. Coa poesía de Rosalía, Neira Vilas e outros poetas galegos escoitamos unha  extraordinaria voz acompañada pola guitarra que dun  xeito lúdico achega a poesía aos máis novos da biblioteca.

O pasado venres, 5 de outubro, recibimos a visita do persoal de Taller Abierto que nos achegou cun obradoiro creativo unha morea de palabras coas que os nosos nenos e nenas se achegaron máis de preto a nosa lingua.

Foi unha tarde moi interesante e produtiva…

Todos os participantes deixaron a súa pegada no diccionario elaborado para esta ocasión.

O xoves día 4 de outubro, os máis pequenos da casa tiveron unha xornada moi especial…

O pasado día 3 de Outubro tivemos  a actuación de Magin Blanco na biblioteca de Val do Dubra, foi unha actividade moi divertida,  donde o nen@s participaron moito, e pasárono xenial, gustounos moito.

Sivia Penide e César de Centi animaron a palabra que saíse da maleta co calor das palmadas e cores dos nenos e familias.

O martes 2 de outubro, a mans de Andamiaxe, visitaron a biblioteca de Vilalonga en Sanxenxo. Gozamos dunha actividade moi apetitosa: “un banquete con moito conto”, onde os comensais gozaron dos deliciosos pratos preparados por eles mesmos. No momento da finalización, pagaron a factura moi satisfeitos co servizo prestado, expresando a súa intención de repetir a velada cunha nova visita á biblioteca.

O pasado sábado día 6 de outubro estivo na BPM de Santa Comba o Mago Paco co seu espectáculo “Maxia divertida 2.0”. Todos os asistentes disfrutaron dunha mañan de contos con maxia, da que quedaron gratamente sorprendidos.