O xoves 19 de outubro, Migallas Teatro fixo as ledicias dos máis pequenos da nosa biblioteca co seu espectáculo “Os contos do chupete”. A mestura de contos tradicionais como Os tres porquiños e de cancións gustaron a grandes e pequenos, estes últimos escoitaron atentos e participaron bailando e dando palmas.
Foi unha tarde inesquecible para todos nos.
Este xoves, 19 de outubro o cociñeiro Antón e a pasteleira Tomasa fixeron que a rapazada e maiores gozaran dunha tarde divertida coas historias culinarias destes peculiares cociñeiros.
Charo Pita trouxo a esta biblitoeca o Curral de Cocorico. Durante 1 hora aproximadamente estivo cos seus contos e cancións animando as crianzas de 1 a 3 anos a ter as súas primeiras experiencias coa música e a narración oral. A actuación foi do agrado dos país das crianzas.
O mércores, 18 de outubro, na biblioteca de Santa Cruz, Gloria e Iago, ou Mamá Cabra, como nos guste máis, trouxeron un montón de cancións e historias que nos fixeron disfrutar a todas e todos.
Recoñecemos sonidos, animais, notas musicais e ata inventamos algún que outro tamén, disfrutamos co conto de “Unha vella tiña un can…” un conto tradicional galego no que ata un dinosaurio agochamos baixo a cama……. pero sobre todo conseguiron encher a saliña dos contos de notas e máis notas que levaron a toda a tropa de nenas e nenos hacia historias cheas de sentimentos, alegria e valores que divertiron tanto, tanto que todos rematamos bailando nenos e non tan nenos….
Mamá Cabra en acción
Contando contos
Neste obradoiro as crianzas, dirixidas pola ilustradora Minia Regos (Gargallando), crearon cadanseu libro ilustrado. Para iso utilizaron diversos tipos de materiais e plasmaron en papel, de maneira divertida, o que imaxinaron.
O martes 17 de outubro, un día moi escuro para o monte da nosa parroquia e o da comarca, chegou a axencia de Guillade o Carballo con botas montado na súa titiricleta.
Os nenos gozaron dun espectáuclo con monicreques solidarios que defendían valores fundamentais como a paz, a colaboración, a importancia de coidar o medio…
Foi emocionante ver como os nenos abrazaban as árbores que rodean a nosa biblioteca.
Da man do mago Javier Muro chegou á biblioteca de Vila de Cruces o espectáculo ” O neno que quería ser mago”.
En formato de contacontos pero co valor engadido de estar ilustrado con maxia. Contounos a historia dun neno chamado Lolo que quería converterse en mago despois de ver un espectáculo de circo. As aventuras que lle ocorren son ilustradas en todo momento con efectos máxicos que abraiaron tanto ós cativos coma ós maiores con trucos con fins didácticos e onde se intenta despertar o interés pola lectura.
Resultou un gran éxito de asistencia e unha tarde moi divertida para todos.
Sorprendente contacontos o que desfrutamos onte martes 17 de Outubro na BPM Manuel María de Oleiros da man de Carmen Domech, con libros máxicos, libros tolos, libros que cobraban vida diante de nós, mostrándonos que tiñan a súa propia personalidade.
Séguenos