O día dezasete de maio, na Biblioteca Pública Municipal de Moeche, e cunha abundante participación, tanto infantil como adulta, estupenda actuación de Cris de Caldas coa obra “A Galiña Azul e compañía”.

Risas e participación para mergullarse e profundar na figura e a obra de Carlos Casares no seu día.

Este obradoiro, dirixido ao alumnado de secundaria do CPI San Vicente, estivo desenvolvido por dous regueifeiros o pasado venres, 23 de xuño, en horario de mañá.

A mocidade puido achegarse, cun toque de humor, ao mundo da disputa oral en verso sobre diversos temas tal como facían de maneira espontánea os nosos antepasados.

Foi unha boa oportunidade para desensolver a axilidade mental, o humor, a improvisación, o enxeño, a mordacidade…

O xoves 22 de xuño Celtia Figueiras tivo unha nova sesión de contos na Biblioteca Municipal de Chantada.

Dentro do ciclo das Estacións en contos, nesta ocasión tróuxonos os contos do verán.

Leo Leiño fíxonos pasar unha boa tarde de maxia e libros na biblioteca de Xermade. Os asistentes desfrutaron e participaron en cada un dos seus trucos de maxia con ilusión e moita atención. Faloulles do “Principiño”, do “Viaxe ó centro da terra” e doutros moitos libros de calidade e que merece a pena que os rapaces lean. Leonor e Cristina ían enlazando detalles destes e doutros contos, cos seus marabillosos trucos de maxia.

O día 23 de xuño tivo lugar  na ALM de Sobrado a celebración de fin de curso con dúas actividades “AS COUSAS PEQUENAS CONTAN” e “BIBLIOCANTA”

o luns 19 de xuño na A.L.M. da Capela, fixemos unha festa de fin de curso escolar acompañados de Manuel Solla e os seus ” Contos Máxicos”, divertímonos moito e nenos e maiores estiveron moi participativos.

O sábado, 17 de xuño, contamos coa compañía BocAberta e o seu espectáculo “Carmiña Miudiña, a pinga que quería ser científica”, interpretado por Carla Capeáns.
Carmiña é unha pinga de auga moi miudiña. Ela de maior quere ser científica, como a súa avoa Filiberta. O día do seu aniversario, a súa avoa agasállalle un paracaídas para poder baixar ao mundo dos humanos. No camiño, diferentes elementos da natureza fan que percorra o ciclo da auga.
Unha actividade con música, teatro e danza na que os asistentes participaron con entusiasmo acompañando a viaxe de Carmiña.
Pasámolo xenial!!!

“As Parábolas de Pakolas” é un espectáculo musical de pequeno formato que se adapta con facilidade ao espazo da biblioteca. Música e animais: dende os máis diminutos, como O Furafollas, ata a Quenlla, pasando por Baldomero Mero ou o pequeno Pato.

Cancións para compartir pequenos e adultos a ritmo de Rock e outros estilos, con letras axeitadas ao público infantil.

Pakolas preséntanos a súa música de maneira individual, tocando a súa guitarra e interpretando cancións sacadas dos seus propios libros, entre os que destaca A Gramola Gominola.

Paco Cerdeira, Pakolas, vai intercalando as cancións coas historias que nelas se contan, sempre cunha mensaxe final, dando lugar a fermosas “parábolas” das que podemos aprender.

Na Biblioteca Ágora da Coruña tivo lugar a Xornada Leobén: Biblioteca e Competencia Lectora, na que o tema principal foi o achegamento á lectura a todas as persoas, as dificultades no aprendizaxe da lectura e os recursos para a súa promoción, tanto físicos como virtuais, temas dos que nos falaron dous profesores da Universidade . Dende a Asociación Galega de Dislexia explicaron cales son os principais problemas aos que se enfronta a infancia con dislexia na escola e na familia e despois tivo lugar unha mesa redonda na que se falou dos diversos camiños que levan á lectura: a lingua de signos para as persoas xordas, o Braille para as persoas cegas, a importancia dos apoios visuais e os pictogramas para as persoas con discapacidade intelectual e do funcionamento dos clubes de lectura fácil. Houbo tamén unha parte práctica, cun obradoiro a cargo de ANHIDA e o seu can Seven, ademáis da intervención das bibliotecarias contando contos con apoio visual e musical que gustou moito aos máis de 52 participantes, que viñan fundamentalmente dos centros de formación en Educación Infantil e Animación Sociocultural. Pola súa banda, 85 nenos/as e persoas de diversas entidades e centros de ensino asistiron  ao espectáculo máxico de  Chrystyan Magic celebrado no medio da Xornada.