Celebramos o Día do Libro con Santi Prego o venres día 21 de abril, puidemos disfrutar do “Teatro máis pequeno do mundo” e dunha morea de  peculiares historias e contos da man de Santi Prego co que os rapaces e rapazas que asistiron pasaron unha tarde divertida.

O pasado venres, para celebrar o Día do Libro, visitaron a nosa biblioteca, os compoñentes de Gua Gua Teatro, que nos presentaron Lúa en Vila dos libros.
Os nenos e as nenas disfrutaron dun espectáculo musical moi participativo, dinámico e divertido, cheo de aventuras e de cancións que falan da importancia dos libros e da lectura.

Marín celebrou o pasado día 23 de abril o día Internacional do Libro, cun concerto a cargo do grupo Xardín Desordenado “Homenaxe a Carlos Casares”, na Alameda Rosalía de Castro.

O grupo confeccionou un programa musical, no que se inclúen cancións con diversos textos deste autor.

O pasado venres, día 21 de abril, na Axencia de Lectura de Santiso celebrouse o día do libro con este Contacontos.

A través desta actividade coñecemos a cultura de alguns lugares de África, a súa música, costumes, alimentación etc, todo cos contos sobre as viaxes de Irene.

Foi moi entretida e divertida.

Na Bilioteca de Catoira celebramos o Día do Libro cun concerto fantástico. O Viravai levounos de viaxe, seguindo as aventuras do teixugo Paio. Unha viaxe musical do máis divertido!

Na Biblioteca Municipal de Milladoiro, estamos a celebrar este mes dos libros con unha chea de actividades, entre elas tivemos o pracer de contar o xoves día 20 con Andrea e o seu espectáculo “Mergullámonos?”
Foi unha actividade na que viaxamos por distintos países a través dos contos e da música, e por suposto, tamén fixemos unha parada en Galiza, onde se narrou a “Galiña azul” e se tocou a pandeireta. Unha sesión chea de alegría onde todos os asistentes gozaron das historias, da música e tamén do baile!

Festexamos o Día do Libro co espectáculo de Javier Muro  “O neno que quería ser mago”, un entretido conto urdido con elementos máxicos.

O pasado día 21 de abril celebramos o día do libro na Biblioteca Pública Municipal de Irixoa co obradoiro Creacancións de Miguel Alonso  no que os rapaces/as participantes aprendenron a crear as súas propias cancións.