O 19 de maio levamos a cabo unha actividade moi dinámica e participativa con motivo da celebración do día das letras galegas 2017, adicado a Carlos Casares.

Nesta ocasión os rapaces e rapazas fixeron pictogramas sobre as obras infantís do escritor ourensán.

Foi unha tarde moi divertida na que os máis cativos desfrutaron moito.

O venres, 19 de maio, ás 12.15 h, o alumnado de infantil e primaria do CPI San Vicente gozou da actuación de Álvaro Muras e Martín Camiñas, un espectáculo de música e maxia a través da vida e obra de Carlos Casares, encadrado dentro da Semana bañense das Letras 2017. O auditorio estaba a rebentar de aplausos, gargalladas, ilusións, letras, sons, emocións…

Obradoiro de Carlos Casares.

Mirari e os nenos de Sada traballaron cos textos de “As laranxas mais laranxas de todas as laranxas” e a “Galiña azul” e fixeron este precioso mural.

O xoves 18 de maio 60 nenas e nenos de 2 a 6 anos e os seus adultos acompañantes disfrutaron na Biblioteca Municipal Os Templarios de Cambre coa música e as cancións de Mamá Cabra.

Música, teatro e danza están presentes nesta actividade.

Gloria Mosquera acompañada de Iago Rodríguez, ás teclas e percusións, fixeron un percorrido pola súa producción musical, ben coñecida e coreada polo público miúdo.

Unha fermosa tarde de música e baile para compartir.

Mamá Cabra, sempre magnífica!

O sábado 20 de maio, na Biblioteca Pública Municipal da Guarda contamos con  Pablo Díaz e o  seu espectáculo “Cantacontos para bebés”.  Foi unha viaxe a través dos contos coa música como fío conductor. Pequenos e maiores participaron nunha sesión chea de fantasía e ilusión. Pasámolo xenial!!!

Os contos

A frauta

A guitarra e dous ratiños atraídos pola música

Pequenos e maiores moi atentos

Queremos máis!!

Para pechar a semana das “Letras Galegas” contamos na biblioteca coa actividade “LETRAS E NOTAS” con MAGÍN BLANCO. A biblioteca de A Rúa ateigouse de nenos de infantil e primeiros cursos de primaria dos colexios do Concello: Pablo VI-Fátima e Manuel Respino. Arredor dun cento de nenos e 10 profesores participaron no espectáculo musical no que Magín Blanco ía creando un universo con abecedarios, números, adeviñas e contos. Os nenos cantaron e bailaron.  ¡Pasaron un rato moi divertido!.

Juste Kamishibai visitounos para celebrar en Darbo o Día das Letras Galegas. Foi un espectáculo moi ameno e didáctico co que aprendemos esta técnica xaponesa.

Unha divertida e participativa contada para homenaxear a Carlos Casares, da man dos seus contos infantís máis coñecidos como “Lolo anda en bicicleta”, “A galiña azul” ou “Toribio revoluciona o tráfico”.

Divertido teatro de marionetas que representan unha versión do clásico Coelliño Branco. A cabra montañeira, o can , o touro e máis a formiga son os persoaxes desta historia.
A animadora ven acompañada da cabra Micaela que é a que lle suxiere os contos que vai contar, dende un conto peludo a un conto enrollable que semella non rematar ata un conto de títeres nas mans…
A maxia dos contos e a representación únense para engaiolar aos máis novos.

Unha contada marabillosa!!! cos contos infantís de Carlos Casares como “A galiña azul”, “Lolo anda en bicicleta”, as historias de “Toribio”, o neno inventor; e algúns outros contos populares de hipopótamos, moscas, xigantes..