O día 21 de outubro actuaron na nosa Biblioteca os persoaxes de Choupiña e Tranón de Forma Teatro. Con poesía, canción e contos deleitaron a un público de grandes e pequenos.

Migallas Teatro

O Sábado 24 de Outubro estiveron os de “Migallas Teatro” en Corcubión animando coa súa  “Merenda con Pan de Millo” a tódolos nen@s e público en xeral que se achegou á Casa da Cultura.

Celebramos así con eles o “Dia das Bibliotecas ”  deste ano.

“Miña abuela Manuela”, “Pan de millo” ,“Que cousa, cousiña, é?”, “Os piratas limpos”, “Unha vella tiña un can”,.. son algunhas das cancións que interpretaron, incluídas no libro-cd “Pan de Millo”, de Kalandraka”  e coas que conseguiron que os nenos e nenas pasaran un dia inesquecible

O sábado 21 de novembro ás 12:00 h. celebrando “O mes da Ciencia” Nita tróuxonos á Biblioteca Pública de Vigo Juan Compañel  a actividade “A ciencia e divertida” na que realizou un contacontos e diferentes experimentos moi entretidos para os neos e as nenas.

Outra vez Magín Blacon volveu a encher a biblioteca de rapaces e rapazas coas súas historias cheas de música e humor.

Más información sobre este evento clicando aquí.

Con motivo do mes da Ciencia Larraitz contou aos numerosos nenos e pais relatos escritos por Luisa Martínez (Unidade de Cultura Científica do CSIC de Galicia) e Martín Pérez. “As mellores vacacións do Rei Neptuno” da man do Rei Neptuno coñecemos aos habitantes do seu reino, escotamos as inquietudes dos caballitos, das baleas, dos pingüíns da Antártida e descubrimos a singularidade e a diversidade das rías galegas. Larraitz relatou tamén o conto “Ondalina” de Martín Pérez  onde nos falou da brillante, fugaz e aventureira Ondalinana que na súa viaxe polo universo coñece o Buraco negro… 

Na última das actividades programadas para este ano dentro do programa Ler conta moito ,  a biblioteca de Sober recibiu a visita de Polo correo do vento có seu traballo : O misterio do pirata Benito Soto. Contacontos muy participativo ;gran profesionalidade de dúas persoas que se “quedaron” cós pequenos , máis tamén có público adulto que encheu a nosa biblioteca. Mestura perfecta de contos e debuxos que nos fixeron pasar unha gran tarde.

O contacontos de Soledad Felloza estivo xenial¡  Asistiron unhas 60 persoas de tódalas idades e disfrutamos todo@s moito coa actuación. Foi moi dinámica e amena, xa que adaptou moi ben as propostas ás características do público asistente, tamén divertida.
Durante estas últimas semanas no centro estivemos a traballar a temática do Samaín, das emocións e especialmente do medo a través de diferentes actividades, tanto de animación á lectura coma de ludoteca, polo que entroncou moi ben coa dinámica da actividade.

O pasado 20 de outubro contamos coa visita de Títeres Tarabelos para celebrar durante esa semana o Día das bibliotecas.
Tarabelos contou un conto clásico  “O novo traxe do rei”  interpretado por títeres agasallando ao público de Coiro, nenos e adultos, cunha velada divertida en torno aos contos que arrancao máis dunha gargallada.
O contacontos tivo unha gran acollida.

O pasado, 27 de outubro, para conmemorar o Día da Biblioteca recibimos na Axencia de Lectura Municipal de Areas (Ponteareas) a “Os Contos de Pablisimo” coa actividade “¡RÁS! Contos Batracios”, cunha serie de contos curtos donde os animais son os protagonistas, entre eles “Raniñas nun coche”, “Sapo e Sepo”, etc, participando os nenos cantando e repetíndoos co artista.

Contos batracios sobre a amizade, a solidariedade, a ecoloxía e biodiversidade, contados a través de monicreques, Kamishibai, láminas, cancións e miniaturas.

Ao final recalcou que tódolos contos que contou están na biblioteca co cal animaba a tódalas/os nenas/os e aos papás que vaian sempre á biblioteca a ler ou coller un conto.

Durante os 40 minutos que durou a sesión pequenos e maiores pasámolo moi ben e participamos activamente da súa actuación. O resultado foi excelente.

Foi unha actividade amena e divertida onde os nen@s de Xermade aprenderon outros xeitos de buscar información en Internet, usando metabuscadadores e outros recursos descoñecidos para eles. A través dun entretido xogo de pistas e cos nenos distribuídos por equipos equilibrados foron conseguindo as respostas para resolver a clave final que lles permitiu chegar ao tesouro.