O xoves 15, dentro do programa Maio de Letras, Galitoon visitou a nosa biblio co espectáculo Os Descontacontos.
Foi un divertido espectáculo que, a través de dous títeres, conseguiu gran interacción e participación do público, que axuda ao avó protagonista a contar os contos clásicos dándolles unha volta e actualizándoos.
Gustou moito.
Este domingo gozamos co espectáculo do Mago Samuel “A maxia das letras” no C.C. Xaime Illa. Un espectáculo divertido e moi participativo.
O pasado venres 16 de maio ás 18:00h, para celebrar as Letras Galegas, tivemos un divertido espectáculo de narración e monicreque a cargo de Galitoon Teatro, dirixido aos/as socios/as de 3 a 9 anos previa inscrición a partir das 10h. do luns 12 de maio.
Sinopse: Un espectáculo para homenaxear a todos os avós e avoas que nos contaban os contos. Deste xeito o avó D. Carmelo comezará a contar os contos sempre co seu inseparable canciño Rús.
A presente actividade está dentro do programa LER CONTA MOITO da Consellería de cultura, lingua e xuventude da Xunta de Galicia.
A cabra Chiña guiou aos pequenos polo mundo das emocións a través de contos, xogos, música e unha estética colorida e estimulante.
Na Biblioteca José Saramago de Vite tivo lugar unha sesión contacontos que combinou narración oral e música. Dous artistas deron vida a tres historias —A Xacia Luviñas, O rei avarento de Vicente Risco e A pantasma da illa de Cortegada— nun formato no que, mentras un deles lía e dramatizaba os contos, o outro acompañaba cunha banda sonora en directo, empregando instrumentos como a guitarra ou o pau de chuvia para recrear sons do bosque, da auga ou da emoción das escenas.
Para finalizar, crearon xunto co público unha canción aludindo á imaxinación dos nenos e nenas, dando lugar a momentos cómicos e deixando un final cargado de bo humor.
Onte pola tarde pasamos en grande con Zeltia Figueras de A canela do maxin. Divertido espectáculo “De de Rosalía ás cantareiras”. Unha tarde fabulosa. Gracias a todos!!!
Ela Sabe veu pasar a tarde connosco a Conxo.
Convidounos a participar na súa oca xigante na que o taboleiro é circular. Non hai máis meta que a diversión e o aprendizaxe.
Falamos de autoras como J.K. Rowling, á que a súa editorial aconsellou poñer esas iniciais porque os libros de maxia non estaban asociados a mulleres.
Tamén de Safo na Antiga Grecia. Pero tamén de escritoras fóra do foco occidental.
Como Chimamanda Ngozi, nixeriana que loita contra as discriminacións raciais ou Marjane Satrapi, que triunfou amosando a súa sociedade en Persépole.
Rematamos a actividade debuxando monstros terroríficos e escoitando a un grupo de pequenas cantareiras.
A Biblioteca Municipal de Fene festexou o Día das Letras Galegas 2025 cun espectáculo adicado aos máis pequenos da casa, “Güe, güe”, de Barriga Verde. Os nenos e as nenas que viron a actuación, ademáis de pasar unha boa tarde en compaña dos monicreques adquiriron hábitos saúdables, como merendar as froitas da cesta da compra da avoa de Güe-güe.
Séguenos