Charo Pita visitounos o venres 11 de outubro. O seu espectáculo “Quen quere viaxar comigo? foi fantástico. Canta, conta, le, xesticula, escribe, publica e faino todo ben!. Os cativos non a querían deixar marchar. Que ben o pasamos! Volve Charo!!!

Manuel Solla  estivo na nosa biblioteca o mércores 9 de outubro pola  mañá. Contounos historias moi graciosas aos mestres e cativos das Escolas Unitarias de Ordes, Olas e Visantoña. A través de “Contos para todos” , os seus bonecos fixeron as delicias do público, así como os seus relatos, preciosos.  Os escolares  encantados e nós  dexexando que volva a visitarnos…

O venres 27 de setembro visitounos  Enrique Mauricio Iglesias, do grupo “MAU Lareira Global”, e fixo as delicias de maiores e e pequenos co seu espectáculo “Violeta, a carteira bolboreta”. Contounos unha preciosa historia, e axudounos a debuxar aínda un pouco mellor. A verdade,  foi unha sesión divertida e moi dinámica, chegounos a pouco!  

O día 9 de outubro Yolanda Castaño chegou á Biblioteca de Meicende da man do seu libro “Verdedades” no cal ilustra e achega os nenos á natureza dunha forma poética e moi amena. Tanto os nenos coma os pais gozaron da poesía participando activamente.

Marta Riera presentou en Valdoviño a conferencia “Debuxar a moda: os figurinos  na prensa ilustrada española”

O pasado día 14 de outubro Elefante Elegante representou a súa obra “O Aviador” na Biblioteca Pública Municipal de Irixoa. Este aviador intentou, xunto cos nenos e nenas darlle solucións a un Moucho que lle gusta mais a noite que o dia, ao Aviador parécelle imposible vivir nun mundo sin sol.

O pasado día 27 de setembro Lilí Gruyére despois de recibir o encargo profesional da dirección musical de “A ratiña presumida” escolleu a biblioteca de Irixoa para realizar a  presentación da súa versión “O Ratiño Presumido”.  Como aínda non tiña reparto realizou un casting entre as persoas asistentes, que representaron a súa obra na biblioteca.