En Camariñas non puidemos comezar mellor as contadas do verán. Visitounos Fátima Fernández cos seus contos de animais e resolveu tódalas dúbidas posibles.

Manuel Solla de Expresión Produccións achegouse o pasado 10 de maio a Biblioteca Municipal de Pontecesures co seu espectáculo “Contos para todos”.

A combinación de maxia, títeres, e humor convirteu a biblioteca nun lugar cheo de ledicia e deu lugar a un fermoso espectáculo participativo, do que gozaron os nenos e nenas de 3º e 4º de Educación Primaria do CPI Pontecesures.

As dúbidas, os medos, as mentiras non só as teñen os humanos, os animais tamén as sofren. Con esta proposta titulada “As dúbidas dos animais” presentouse o pasado 14 de maio EDUVIA na Biblioteca Municipal, ante os nenos e nenas de 1º e 2º de Educación Infantil do CPI Pontecesures.

María Noel e unha presa de cativos, usuarios habituais da Biblioteca Municipal de Ordes, xuntáronse o 16 de Maio para celebrar o Día das Letras Galegas. Armados con plastilina, cartóns , libros de manualidades e moita, moitísima imaxinación, fixeron marabillas nunha tarde na que, sen dúbida, disfrutamos todos. Ao tempo, os cativos visitaron a mostra que sobre as Letras Galegas expuxemos na biblioteca. Que creatividade a dos nosos rapaces e rapazas!

O 28 de xuño tivemos a Viravolta Títeres de 16:30 a 19:30 co Obradoiro de Papiroflexia, fixemos diversos obxectos utilizando papeis que estarían destinados  a rematar no lixo. Pasamos unha tarde moi divertida.

Na Biblioteca Municipal de Ordes, temos moitas visitas, pero, unha das máis agradables foi a de Sole Felloza, que chegou e triunfou…. Veu o venres 31 de maio, ás nosas Tardes de Contos e Lendas, e contou, todo, todo e todo. Os cativos encantados, escoitando,  falando, mirando contos e libros moi especiais…Os adultos tamén nos divertimos e aprendemos. Ninguén quería que rematase ! Ata outra Sole!!!

O pasado 24 de Maio recibimos a visita de Manuel Solla de Expresión Produccións cos seus “Contos para todos”.
Foi un espectáculo moi ameno e participativo no que  ademáis de contos houbo maxia, teatro e moito humor. O público asistente quedou moi contento coa actuación.

Raquel e Juan, estiveron na Biblioteca de O Hío o 16 de maio, facendo as ledicias de cativos e non tan cativos. Un espectaculo de música, palabras e imaxe moi moi recomendabel.

Raquel Queizás e a súa “Maletra” cargada de divertidas historias visitaron a BPM de Catoira o 3 de maio. Pequenos e maiores divertíronse moito axudándolle a sacar as letras e palabaras que deron vida a fermosas historias e misteriosos relatos.

O día 20 de Maio, Manuel Solla axudado pola súa mascota Pelusa foron sacando da súa maleta máxica numerosos personaxes fantásticos que nos entretiveron un montón. Desexando repetir experiencia.