Onte recibimos na Biblioteca Municipal Isidro Novo de Lugo a Dani Blanco co seu espectáculo “Circo na biblioteca” . Malabares con pelotas e libros, equilibrios imposibles, música e moitas, moitas risas, nunha función que foi do agrado tanto das crianzas como dos maiores. 👏
Recibimos a Ana Meilán, autora de moitos contos que temos na biblioteca, que veu contar aos nenos e nenas a historia de Simón, un neno con fama de chorón que decide gardar as súas bágoas debaixo da cama.
O venres tivemos a Dani Blanco coa súa proposta “Murmuraban as miñas veciñas” para público adulto.
Pasamos unha hora moi entretida coas súas historias, o seu humor e bo facer. Historias compartidas e o público respondía ou asentía ó que alí se contaba.
Seguimos a comprobar que ós nosos maiores gústanlle tanto os contos como ós máis cativos.
O mércores pasado tivemos a Polo Correo do Vento coa súa proposta para as Letras Galegas.
O 4 de abril, ás 17.30 horas desenvolveuse na biblioteca municipal do Grove o espectáculo de narración e monicreques “Os descontacontos” a cargo de Galitoon e dirixido á rapazada a partir de 3 anos.
Un espectáculo para homenaxear a todos os avós e avoas que nos contaban os contos co avó D. Carmelo, que comeza a contar os contos polo final ou non se lembra deles e cada vez que intenta contar un, esquécese do argumento e inventa e argalla personaxes estrañas e cousas inverosímiles… , e co seu inseparable canciño Rús que, coa , axuda do público, conseguía rematar os contos.
O pasado Xoves 26 de setembro ás 13:00 horas no Auditorio do Concello de Pazos de Borbén tivemos o contacontos teatralizado con monicreques e ventriloquia que nos trouxo o artista FRAN CAMPOS “BANDULLO AZUL“ titulado “FAZULAS E O LADRÓN DE PARAUGAS” baseado no libro do autor Xosé Lueiro, ilustrado por Sara Valcárcele publicado pola Editorial Galaxia.
Vivimos en directo a viaxe iniciada por FAZULAS e a súa teima por saber de que cor é o vento emprendendo unha fantástica aventura collido a un paraugas. Buscou entre as árbores, as nubes… precisou da axuda do Señor Moucho, da cadela Petra, do profesor e de todos os presentes na sala.
Ao final os asistentes descubriron que fai o vento cos paraugas, e lle fixeron unha canción xuntos a ese gatiño curioso e parlanchín chamado Fazulas.
Asistiron a este evento o alumnado de 1º a 4º de Primaria do CPI “Curros Enríquez” de Pazos e os usuarios da Asociación Aspavi xunto cos seu profesorado e monitores.
Con esta actividade conmemoraremos o DÍA EUROPEO DAS LINGUAS que se celebra o 26 de setembro en toda a Unión Europea como homenaxe á diversidade lingüística do continente europeo; unha iniciativa que busca promover a aprendizaxe continuada de varios idiomas para os habitantes deste continente.
Unha das principais metas que desexa implantar en Europa a celebración do Día Europeo das Linguas, é a de concienciar aos habitantes sobre o enorme potencial que teñen os idiomas como ferramenta profesional e intercultural, que non só permitiríalles acceder a novas ofertas de emprego no mundo ou os convertería nun cidadán global, senón máis ben, como forma de preservar a cultura dos países e asegurar a súa pervivencia ao longo das xeracións futuras.
O pasado Venres 13 de Setembro ás 13:00 horas tivemos no Auditorio do Concello de Pazos de Borbén unha nova actividade do programa de Animación á Lectura e de Dinamización da Lingua Galega da Biblioteca Pública Municipal de Pazos de Borbén – BiblioPazos e do programa de dinamización da lectura nas bibliotecas LER CONTA MOITO.
Ese día estivo con nós LEO LEIÑO co seu espectáculo “HABELAS HAINAS” co que fixemos unha viaxe máxica a través das tradicións e lendas galegas mediante a narración oral, a animación e a maxia.
Asistiu a este evento ao alumnado de 3º a 6º de Primaria do CPI “Curros Enríquez” de Pazos e aos usuarios da Asociación ASPAVI, que o pasaron moi, pero que moi ben.
EN BIBLIOPAZOS SEGUIMOS TRABALLANDO POLA EDUCACIÓN E A CULTURA
O martes, 30 de xullo, asistimos a un espectáculo de “Ciencias malabarísticas”. A compañía de A Fraga dos Mouros realizou uns interesantes xogos de malabares pero tamén aprendemos os conceptos científicos que os explicaban máis algún dato curioso sobre algún dos científicos máis importantes da nosa historia: Tales, Arquímedes, Newton… Temos que destacar a indispensable, esforzada e valerosa participación dalgún/ha cativo/a que, iso si, lle puxo moitas ganas aínda que a tarefea non era sinxela, menos mal que contábamos coas indicacións do experto na materia. Pasámolo xenial!!
O martes, 23 de xullo, os/as cativos/as de Fontiñas pasaron un rato moi entretido grazas a Caxoto, que celebrando os seus 20 anos percorrendo Galicia enteira coas súas actuacións, volveu a engaiolar aos presentes cos seus contos e cancións, recuperando algúns dos versos máis populares de Rosalía de Castro, Álvaro Cunqueiro, Alfonso Daniel Castelao… e solicitando a participación da cativada co retrouso. Foi unha mañá moi animada!
Moitas grazas e moitos parabéns!!
O día 10/07/2024 na Biblioteca municipal Segundo Gil Davila de Arbo tivo lugar esta actividade centrada na importancia la leitura e a evolución histórica dos libros, na que os cativos puideron aprender cómo se facían os libros antigamente, e cómo se fan agora. O obradoiro foi moi participativo, e os nenos ata tiveron a oportunidade de crear e maquetar os seus propios libros que levaron para casa. Unha aprendizaxe moi boa e interesante para fomentar a leitura e a escritura dende novos.
A actuación comezou ás 11.30 h e rematou ás 12.30 h; acudiron un total de 30 nenos e nenas de seis a trece anos de idade, e 2 adultos.
Séguenos