O xoves, 5 de maio, recibimos a visita de Polo Correo do Vento. Con eles mergullámonos na vida e obra de Florencio Delgado Gurriarán, de xeito educativo e moi divertido. Mesturando a narración oral, na que destacaba o recurso ao humor e a procura da participación dos/das cativos/as, coa elaboración dunha caricatura do homenaxeado polo Día das Letras Galegas 2022, que os/as participantes aprenderon a realizar seguindo as recomendacións que lles ían dando. Unha tarde moi entretida.

O pasado venres 22 de outubro celebramos o Día da Biblioteca co obradoiro do Faiado de Nin: A arte de ler: deseño de bolsas e mochilas para grandes lectores/as.

Nesta actividade, o publico asistente personalizaron bolsas e mochilas de tea con deseños relacionados coa lectura, empleando diversos materiais como retais, abalorios, etc. dando renda solta a súa imaxinación.

O obradoiro foi moi entretido para as nenas e nenos que participaron.

O venres 22 de outubro tivemos a última sesión na biblioteca , está vez un taller de robótica moi divertido e participativo.

Celtia Figueiras, de A Xanela do Maxín contounos a historia de Lúa, unha gatiña que non come ratos. O seu desexo é viaxar polo mundo e ir á universidade.  A súa aboa e o seu amigo gato queren que quede na casa, pero ela non se resigna…

Unha historia na que os valores de igualdade están presentes e que encantou a nenos e nenas.

Partindo de coñecidas películas e series baseadas en libros, os e as participantes, alumnos e alumnas de 1º de ESO, do IES. POETA DIAZ CASTRO,  aprenderon da man  de Ainhoa, de Crearte Servizos Culturais, as claves para contar unha historia con perspectiva de xénero, reescribiron escenas e convertiranse en actores e actrices de dobraxe que deron voz, a súa voz, a eses personaxes que visualizaron despois na súa nova versión. Unha creativa proposta para fans do audiovisual que fomenta a igualdade.

A Biblioteca da Laracha acolleu a Trinke Trinke cos ratos de Lonxedetodo.

Inacio Vilariño, de Fantoches Baj, presentounos onte na Biblioteca Municipal de Lugo unha chea de medos e os divertidos remedios para enfrontarse a eles.

Se por exemplo, o medo é ao demo desencaminador que aparece nos camiños, podes cantarlle esta canción:

“Demo escoita o que che pido

que apartes do camiño

que teño que ir a bailar”

E así para cada medo, todos teñen un conto ou unha canción!

Rematamos os contacontos en caión con Lydia Botana e a sua feira das linguas. Unha tarde de música, contos e linguas.

Este martes 5 de outubro acellemos na Biblioteca de Paiosaco o contacontos de Naturizo a cargo de Sarabela Teatro. Un conto para cultivar a imaxinación, aprender a importancia de cuidar o medio ambiente,  o reciclaxe e a protexer os nosos animais.