Ca ratiña Carolina de Lonxedetodo disfrutamos e saboreamos os seus contos e receitas para pasar un bo rato cos nenos e nenas que se achegaron cas súas familias a deleitarse nas boas historias. Con TrinkeTrinke Teatro está asegurado o humor e a boa animación á lectura que ao final nos trae usuarios e lectores a nos a Biblioteca Municipal de Fene.
O 21 de marzo contos con música e cancións con Bea Campos na Biblioteca de Pontevedra. Os bebes e os seus pais disfrutaron moitísimo coas historia, a música e as cancións de Migallas.
O sábado 22 de marzo tivemos a Larraitz Urruzola na Biblioteca Ánxel Casal, coas historias de Babamor e todas as súas familias cheas de amor.
En Babamor hai familias grandes e pequenas, familias envoltas en toneladas de cariño. Ollos que miran a outros ollos, cóxegas e paseos por xardíns de bolboretas.
Espectáculo de narración oral tradicional no que a titiriteira Larraitz xoga con atmósferas e situacións que xurden da transformación de obxectos e espazos do mundo dos contos.
Moi importante a presenza dos contos en todo o espectáculo e a insistencia da narradora na lectura como fonte de inspiración e forza para a nosas vidas.
Expresión Produccións realizou o seu espéctaculo de animación a lectura na Biblioteca Ánxel Casal, cunha mezcla de actividades de contacontos, títeres e maxia.
Unha posta en escea espectacular como base para unha actividade na que a participación dos nenos e nenas foi primordial.
Ademáis dos contos, aprendemos trabalinguas e cancions.
Tarde de sol como facía moito que non víamos, pequenos cos seus pais e nais e cancións, rimas e contos grandes e pequenos para animar
Contos para bebés
Continuando coa nosa Choiva de Contos, Fátima Fernández veu o pasado sábado 8 de marzo a contarnos os seus Contos susurrados.
Contos susurrados na Biblioteca Ánxel Casal
E mentras Fátima conta estas historias, as figuras do conto van saíndo das súas mans.
Historias no aire dos Contos susurrados
A Asociación Cultural Cucarandaina estreou a nova tempada de Choiva de Contos na Biblioteca de Santiago de Compostela Ánxel Casal. E estrearon cos seus Contos de Peto para explicarnos todo o que podemos gardar nos nosos petos.
Cucarandainas no Salón de Actos da Biblioteca
Todos os contos gardados nos petos saíron para facernos pasar unha divertida tarde cos rapaces na biblioteca.
Comezan a escapar os contos do peto
Divertidísimo contacontos o que tivemos na Biblioteca P.M. “Manuel María” de Oleiros o martes día 1 de outubro a cargo da artista Nati, da compañía Sarabela Teatro. Os contos incidían nas bondades dunha alimentación variada e o público noviño asistente participou activamente na actividade, sorprendendo as veces pola boa información que amosaban sobre o tema.
Ela narrou as súas historias, sendo interrumpida moitas veces polas risas e gargalladas; cando xa pasaba a metade da actividade varias asistentes choraban coa risa. Ao rematar o evento todos tiñamos una enorme sonrisa na cara e ledicia no corazón.
O día 2 de outubro Chrystyan Magic volveu á Biblioteca de Meicende en Arteixo para facer as delicias dos nenos e pais que acudiron a ver o espectáculo de maxia, luz e son.
A duración da sesión foi dunha hora e alternou trucos de maxia con participación dos nenos no escenario, tendo un gran poder de convocatoria.
O día 2 de outubro as 18:00 Fátima Fernández nos contou unha boa chea de contos de animais cos seus medos, fixonos rir, fixonos berrar, pero sobretodo disfrutar da sua maleta chea de contos
Nestas últimas tardes de calor conseguimos encher a zona infantil coas familias e os nenos que viñeron dende todas partes do concelllo a disfrutar dunha profesional da narración coma Fátima que sempre conecta co público infantil tanto coma cos seus pais.
Séguenos