Para celebrar o Día do Libro tivemos na biblioteca de Xermade unha sesión de contacontos dirixido a bebés de 0 a 3 anos: Contos de marmeleiro, anís e limón de Marisa Irimia. A narradora contoulles contos doutros tempos e outras falas co apoio de monicreques, bonecos, sons e cancións para centrar a atención dos máis pequenos.

O día 23 de abril co motivo do día do libro a Biblioteca Municipal do Porriño, levou a cabo un contacontos a traves da compañía “Lisistrata” baixo o lema contando en feminino.

Contos contados dende a perspectiva de xénero e igualdade. Onde o papel feminino sexa, non o tradicional nos contos, senón algo igualitario. Contos tamén onde o final pode cambiar e tamén onde a protagonista non se vexa como algo inferior e sempre coas mesmas identidades.

Durante a semana varios centros educativos da vila redescubriron a biblioteca, por medio de visitas guiadas.

Con motivo da celebración do “Día Internacional do Libro” levouse a cabo, na biblioteca, unha sesión de contacontos, a cargo de Marisa Irimia, animadora, ilustradora e narradora, que cautivou ós nenos e nenas asistentes.

Marisa, axudada por monicreques, bonecos e cancións centrou a atención dos máis pequenos, facendo as ledicias do público asistente.

O xoves día 23 de abril ás 18 h. Pablo Díaz presentou o seu espectáculo Cantacontos para bebés, dirixido aos nenos e nenas de 0 a 3 anos. A actividade asistiron un total de 76 persoas, 40 adultos e 36 nenos.

Pablo Díaz, amenizou a sesión de contacontos cos seus instrumentos(flautas, guitarra) e con cancións, nas que se fai referencia a elementos da natureza, o mar, a lúa , o sol ou os animais, buscando un acercamento aos libros e a música tradicional (tocou unha muiñeira coa flauta). Contos e cancións cheos de ledicia , que gustaron os nenos e maiores.

O Grupo de Teatro Triatreros, estivo o sábado 25 de abril na sala infantil da Biblioteca Municipal de Chantada, co contacontos Comechíns. Nesta sesión a encargada da actividade, Alba Bermúdez,  contou varios contos relacionados coa alimentación saudable. Os contos estiveron acompañados dunha pequena exposición de libros desta temática , e tamén se fixo relación aos libros infantís que temos na biblioteca relacionados coa alimentación .  Os máis pequenos foron os que máis disfrutaron da sesión.

.

Disfrutando enormemente co Obradoiro de Banda Deseñada de Xosé Tomásna celebración do Día do Libro. Excelente actividade para os mozos do Clube de Lectura do IES de Foz

A Xanela Ocio despedíronse de Cambados o pasado venres 24 de abril, tras ter visitado as catro axencias de lectura do municipio. A última en gozar das súas divertidas historias foi a nosa ALM de Castrelo que puido celebrar entre sorrisos o Día do Libro.

O sábado 25 de abril a Biblioteca Municipal do Grove foi o escenario do espectáculo O cociñeiro Antón e a pasteleira Tomasa a cargo de Talavera Teatro.

A actividade deu comezo ás 18.00 h e constou de dúas partes: en primeiro lugar 50 nenos e nenas e outros tantos adultos puideron divertirse coas aventuras e desventuras amorosas do cociñeiro Antón e a pasteleira Tomasa.

A continuación, a rapazada participou nun obradoiro de decoración de galletas con pasta de azucre Fondant

Fantástica velada de sábado na que grandes e pequenos pasaron unha tarde de lecer na compañía do cociñeiro Antón e a pasteleira Tomasa

Con motivo do 23 de abril, día do libro 2015, e enmarcado dentro da actividade “Ler conta moito”, tivo lugar a actividade de Regueifa-Brindo na nosa biblioteca.

Os regueifeiros Josiño da Teixeira e Bieito Lobariñas, da Asociación Oral de Galicia, levaron a cabo un obradoiro de improvisación en verso que espertou gran interés por parte do público asistente, pola súa facilidade de palabra e as súas enxeñosas estrofas. O espectáculo ten unha forte compoñente musical que animou ós asistentes a participar.

Os/as nosos/as usuarios/as saíron esa tarde xa sabendo regueifar!

Queremos dar as grazas a Josiño e a Bieito por amenizarnos a tarde e facernos descubrir outras posibilidades que ofrece a poesía, sempre cun toque de humor.

Esperamos velos de novo noutra ocasión.

Continuamos co programa ABRILUSTRADO e cos obradoiros de Xosé Tomás, esta vez noutra das bibliotecas de Cambre, a Xabier P. Docampo. Aquí con alumnado de 3º da ESO do IES Afonso X.

Cun percorrido pola historia da banda deseñada, imos reparando na súa linguaxe: o importantes que son os silencios e todo o que nos poden dicir, as liñas cinéticas, onomatopeias, as diferentes formas de viñetas, a elipse, os globos ou bocadillos…

Intercalando teoría e práctica, imos coñecendo tamén os diferentes planos e o por que de cada un deles.

Actividade moi interesante e moi ben valorada polo participantes.