Este xoves, día 5 a animación foi por conta de Polo Correo do Vento con “Os xoguetes de Clío”. Nenos e nenas gozaron deste contacontos con ilustracións que lles permitiu achegarse a obra de Carlos Casares dunha forma distinta, eles tamén participaron facendo a súa propia ilustración.
O mércores 4 de outubro, Charo Pita visitou a Biblioteca de Portonovo co seu espectáculo para bebés.
Os bebés que, xunto cos seus pais, se acercaron á sesión, disfrutaron dun rato divertido e moi tenro. Charo Pita engaiolounos coas súas cancións, rimas e contos, e foi moi bonito ver os papás, sempre máis serios, sonrir e disfrutar cos seus cativos no colo.
Cando rematou a sesión, os pais estaban moi agradecidos por participar e sorprendidos de que algo así acontecese na biblioteca. De feito, para moitos era a súa primeira visita á biblioteca e descubriron tamén os servicios que temos para ofrecerlles.
Dende aquí o noso máis agarimoso agradecemento a Charo Pita!!!
O día 4 de outubro e durante unha hora, o público asistente cantou, bailou, xogou e divertiuse cos ditos e cancións populares, axudando a que a literatura oral galega non caia no esquecemento.
Onte, mércores, 4 de outubro dentro do Programa Ler Conta Moito na Biblioteca de Santa Cruz visitounos Elefante Elegante co espectáculo “O Xigante”. Representación magnífica por parte de Gonçalo Guerreiro deste clásico da literatura infantíl, embelesou coa súa posta en escena a maiores e pequenos. É un espectáculo de pequeno formato, onde a narración está acompañada con moito acerto, cunha música axeitada a cada escea, ademáis das palabras, as accións mímicas, os xestos dan grandiosidade a narración oral. A destacar tamén os valores traballados de solidariedade, amizade, e sobre todo amor a natureza e coidado do medioambiente.
As viaxes dun home
Onde vive un xigante que non deixa a ninguén xogar alí
A primaveira non chega ao xardín do xigante…
O xigante faise amigo dos nenos e nenas…
O home segue a viaxar buscando árbores con libros e xardíns para habitar…
O día 3 de outubro, volveron os contos á Biblioteca de O Froxel “Fco.A.Vidal” de Arteixo, da man de Fran Campos de Bandullo Azul e a monicreque FILIPA, para facer un percorrido polos contos máis tradicionais, a través da palabra e da súa guitarra con música en directo. A rapazada participou moi activamente co personaxe, lembrando tamén ás obras infatís de Carlos Casares.
Onte, martes 3 de outubro, Pavís Pavós visitounos de novo na Biblioteca Manuel María de Oleiros cun feixe de contos cheos de tradición oral, musicalidade e valores universais que van deixando pegada en cada un de nós.
Na biblioteca de Mondariz os nen@s pasárono estupendamente coas aventuras de Maruxa e Pepiño e as súas rifas por facer pan. A posibilidade de moldear os personaxes con masa de pan e despois pintalos foi todo un descubrimento para eles. Unha actividade moi divertida da man de OQO editora
F
átima Fernández deleitounos con contos que recordaba que llos contaba seu avó, sucesos ocorridos en Foz, a norte dunha nena que foir tirada polo seu pai ó río. A historia dun labrego que non quería traballar e converteuse en ladrón de luba branca e logo casou cunha ladroa e tiveron unha filla que naceu cun problema na man e co tempo descubriron que non eran quen de abrila por que tiña nela o anel da matrona que a axudou a nacer. Un gaiteiro que foi andando para Mondoñedo e non fixo caso da advertencia de que polo camino había lobos, atopouse cun e pensou que como a música amansa ás feras pois tocoulle cancións, pero apareceu un lobo xordo que o terminou papando. E por último unha historia de amor entre dous mozos que se coñeceron cando o mozo estaba facendo a mili, cando este rematou marchou e estiveron 30 anos sen verse, o voltarse a encontrar os dous eran viuvos e decidiron xuntarse e viven nunha residencia de anciás.
Na Casa da Cultura de Neda devecemos polas visitas da compañía Elefante Elegante. Desta volta o actor Gonzalo Guerreiro carrrexou ata aquí o espectáculo de contacontos “Lobo Bobo”.
As cativas e cativos de infantil dos colexios San isidro e Maciñeira ficaron abraiados ante a maestría de Gonzalo á hora de darlles unha volta aos contos máis coñecidos da tradición oral. Humor, mímica e poesía xuntos: unha mistura ideal que nos mantivo a todos pendentes das historias deste Lobo Bobo.
O luns, 2 de outubro, na biblioteca P. M. “Mª José Ruso” de Dorneda tivemos unha tarde chea de música, risas, aprendizaxe e calor, moita calor con Paco Nogueiras e o seu Brinca Vai!
Partindo do seu libro do mesmo nome comezamos unha viaxe polas datas máis salientables de Galicia, todo elo a ritmo de boa música e mellores letras que moitos dos alí presentes coñecían e cantaban con Paco.
A sala estaba a rebosar de rapaces e rapazas, pais e nais e sobre todo de ilusión e diversión. Unha maravilla de actividade que gañou a todos os presentes.
BRINCA VAI!: DE AQUÍ A ACOLÁ NA BIBLIOTECA “Mª JOSÉ RUSO” DE DORNEDA
Séguenos