A través da música, a mímica e os xestos foi como comezou a actuación de Dani Blanco, para ir pouco a pouco coa palabra. Malabares e maxia para unha actuación que encantou a pequenos e maiores. Divertida e dinámica, sobran as palabras.

Pablo Sánchez (Pablísimo) deleitounos o martes 8 cunha actividade en Igualdade realmente magnífica.

Buscamos príncipes rosas e princesas azuis. Escoitamos contos versionados á igualdade de xénero, como O Príncipe e o chícharo, tamén O Príncipe Cincento de Babette Colle e ata escoitamos ás princesas botar peidos!

Poidemos ver e tocar diversos instrumentos musicais de varias partes do mundo e montar unha auténtica orquesta cos adultos acompañantes

Todo un derroche de xenialidade e unha maneira divertida de reflexionar sobre a igualdade de xénero.

O martes 8 de outubro, chegou á Biblioteca de O Froxel – “Fco. A. Vidal”, LUCAS REQUEJO da man dos seus “CONTOS POLA NOSA SAÚDE O ULTRALIMENTO IMAXINADO”.

Lucas, a través das súas historias do superhero “ULTRALIMENTO”, amosou os cativos e cativas a importancia dos alimentos como fonte de saúde, aprendendo e divertíndose coa receita das “bombas de saúde”, baseado en noces, abelás e cacao.

    O martes 8 de Outubro na BPM Mª José Ruso de Dorneda (Oleiros) tivemos a oportunidade de gozar da arte das marionetas co espectáculo Unha armadura con ferruxe de Garabato de Xogos. Unha historia diferente de cabaleiros, damas, dragóns e magos, que engaiolou tanto aos adultos coma aos nenos asistentes.

O sábado revisitamos a un personaxe clásico da literatura infantil da man de Loreto Pertíñez. Combinando contacontos con taller interactivo traballamos a autoestima, autoaceptación e a aceptación da diversidade a través de xogos e dinámicas. Todos participan activamente cubrindo de gris a Elmer, facendo un enorme collage… E para celebrar as nosas diferenzas todos nos disfrazamos e pinta mos a cara para rematar cunha canción.

O venres pasado na biblioteca puidemos crear o noso propio libro. Primeiro repasamos algún libros e álbumes nos que os roles tradicionais home/muller son postos en dúbida. Partindo destas obras, os rapaces e rapazas crearon cada un unha folla dun libro titulado Novas heroinas e heroes facendo unha revisión dos roles de xénero nos personaxes de ficción. Ó rematar cada un levou para a casa a súa copia (e, por suposto, na biblioteca quedamos cunha para o noso fondo )

Chegaron os ratiños desde Lonxedetodo á biblioteca de Valga. Co “O  Ratiño Presumido” tivemos unha moi boa  sesión de contos nos que ensinaron a importancia e o valor da igualdade. O rato Fuco e a súa amiga Faifá contaron ca colaboración das mamás e dos papás dos nenos asistentes.

Este martes 8 de outubro, a escritora Eli Ríos propuxo, partindo da primeira novela galega escrita sen xénero “DX”, abordar a diversidade sexual, a pornografía, as relacións consensuadas e o amor na adolescencia con rapazada do Instituto de Secundaria “Manuel Murguía” de Arteixo.

Preto dunhas 60 alumnas e alumnos pasaron pola biblioteca a escoitar a Eli e a participar e debatir sobre todas estas cuestións e ideas.

   Contacontos sobre o libro “A Reconquista” a cargo da súa autora, gañadora ex-aequo do I Premio Fina Casalderrey pola Igualdade de Baía Edicións. Grazas a esta historia, as crianzas comprenderán que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo (e neste caso, no patio do colexio).

A Biblioteca Municipal de Carral acolleu un entretido obradoiro de papiroflexia no que unha vintena de rapaces puideron poñer a proba as súas destrezas e creatividade co papel.

Seguro que repetimos.