Unha vez máis Charo Pita pasou pola Biblioteca Infantil de Carral para ofrecer unha fermosa e agarimosa sesión de contos para bebés.
É unha delicia ver as reaccións dos máis pequenos nunha sesión coa que pretendemos provocar o amor polos libros.
O pasado venres nenas e nenos ateigaron o auditorio do Centro Cultural Rosalía de Castro para cantar e bailar co “Brinca vai” de Paco Nogueiras dentro do Ler conta moito da Axencia Municipal de Lectura de Domaio.
O pasado 17 de setembro Cris de Caldas e Xabi do Camiño estiveron na nosa ALM de Vilariño cos seus contacontos para bebés. Os asistentes disfrutaron dunha xornada de contos e de cancións tradicionais para os máis pequenos da casa. Unha actividade totalmente recomendable.
O domingo 29, nenos e adultos gozaron con MeRe Clown e a súa forma de contar a historia de Hamelín, con malabares, xogos, moito humor e participación do público
Este fin de semana xs nenxs de Porto do Son puideron desfrutar da actuación de Pedro Brandariz na B.P.M Xerardo Díaz Fernández de Porto do Son. Esta actuación enmárcase dentro do Programa LER CONTA MOITO.
A actuación foi a cargo de Pedro Brandariz, coa actividade Os Contos do Grúfalo.
Trátase dun espectáculo de narración oral protagonizado por un ratiño que vai atopando diferentes animais no bosque. Todos o queren papar, pero de todos eles consegue salvarse con moita astucia e recurrendo a un ser imaxinario: o Grúfalo. Unha invención da súa cachola que se cadra finalmente non era tal…
As idades recomendas desta actuación foi de 4 a 10 anos
No País do vento
Un bo feixe de nenas e nenos, outro feixe de mamás, papás, avoas e… Charo Pita levounos a todos ao País do vento xunto coa familia Papaventos. Escoitamos as súas aventuras, repetimos, cantamos e aprendimos as súas cancións, rimos e incluso chorimicamos. Unha delicia que invitaba a moverse ao son da guitarra e a voz de Charo. Fermosa e entretida tarde.
No Centro Social Escarabote en Boiro
o venres 27 de setembro o Mago Teto levou a cabo na Biblioteca Municipal de Lourenzá ” Juana Ibarbourou” un espectáculo incrible sobre 4500 anos da historia da maxia. Grandes e pequenos desfrutaron cos seus maravillosos trucos.
O grupo Trémola Teatro conquistou o corazón dos máis cativiños de Chapela, e tamén das súas familias, ao achegarnos onte a belísima narración sensorial “Que animaliño é?”. A actuación foi unha festa que encheu a biblioteca de cativos e aledou con sorrisos a nosa tarde.
VER +: https://bibliotecasredondela.blogspot.com/2019/10/teatro-para-bebes-na-biblioteca-de.html
Séguenos