O pasado xoves chegou á nosa biblio a actividade Aprende a facer un podcast!, con Solovoz.
Explicación do concepto de podcast, seguido de diferentes aspectos a ter en conta para realizar un.
O monitor foi guiando ás persoas participantes para chegar a elaborar entre todos un guión e gravar o podcast.
O pasado venres, 25 de outubro, os 15 rapaces e rapazas que participaron neste obradoiro crearon verdadeiras xoias para anotar as súas lecutras nuns preciosos cadernos que decoraron coa método Zentangle que lles deu a coñecer Elisabet e que consiste no en trazar patróns repetitivos que crea belas imaxes e fomenta a tranquilidade e a concentración. 
Neste obradoiro, que se levou a cabo na biblioteca de Bertamiráns o pasado xoves 24, Día da Biblioteca, os participantes gozaron da tranquilidade e atención que proporciona a técnica Zentangle que aprenderon con Elisabet. Fixeron o seus cadernos de lectura trazando patróns repetitivos cos que conseguiron preciosos debuxos. 
O pasado mércores visitou a nosa biblio A Xanela do Maxín, co seu espectáculo Toupiciencia.
A través dunha historia, e tendo unha marioneta como fío condutor, os asistentes aprenderon sobre ciencia, axudando a resolver experimentos ao actor.
Moi entretido!
A través dun taller, os asistentes aprenderon a debuxar diferentes personaxes que formarán parte do seu propio cómic.
Helder, no Taller de cómic para nenos, amosoulles técnicas e trucos que lles van axudar a confeccionar o cómic.
A pasada semana, a ALM de Buxantes (Dumbría) trouxo ata aquí a Lupe Blanco, co Método regueifeiro.
Actividade moi recomendable, na que os pequenos aprenderon sobre regueifa e tradición oral, pero tamén sobre poesía ou sobre igualdade.
A rapazada aprendeu a crear as súas propias coplas desde a experiencia vivida no seu día a día no rural.
O xoves 24 de outubro, día das bibliotecas, na Biblioteca Torrente Ballester tivemos o inmenso pracer de celebrar o noso día dun xeito inmellorable, coa actuación de Tarabelos, que nos trouxo a súa obra, “O traxe novo do rei “ .
Un libro, un cheiro, un conto….Un traxe especial, para un rei especial. Este clásico da literatura infantil fixo as delicias da rapazada e non tan rapazada que se achegou ata á biblioteca nun día tan especial pero tamén na semana en que retomamos o servizo nun espazo renovado , despois de 2 anos de espera nos que os nosos pequenos non tiveron un espazo no que trastear cos libros como os libros se merecen.
Non puido ser unha inauguración máis exitosa e especial . Só me queda dar as grazas a todos os que se achegaron ata a biblioteca.
A actividade “Outubro de contos”, rematou na nosa biblioteca, despois de facer as delicias tamén nas outras bibliotecas da rede, a de Cela e a de Beluso.
O día 19 de outubro, Yolanda Castaño, achegounos os seus versos, cun xeito moi atractivo, coa súa maneira de recitar chea de maxia, emoción e sentimento. Non deixou a ninguén indiferente.
¡ Foi espectacular!!!
A semana pasada visitaba a nosa biblio Charo Pita co contacontos A Cabeza a paxaros.
Unha gran contadora que adapta a actividade perfectamente ás circunstancias (idades diferentes, grupos máis ou menos numerosos, espacios diferentes,…).
Encantounos!
O pasado día 23 conmemoramos o Día das Bibliotecas en Quiroga, para iso contamos con Xabier Blanco da Fundación Legar e o seu espectáculo “Literatura afinada” . Moi importante foi a colaboración do IES de Quiroga que fixo posible a participación do alumnado do centro.
Interesante actividade de divulgación literaria e musical que se desenvolveu de xeito ameno e participativo. Sempre é un pracer traballar coa Fundación Legar pola súa profesionalidade.
Séguenos