O venres 23 de maio veu á biblioteca Sheila García e realizou o obradoiro creativo “Contos en construción”, que estaba basado no conto clásico dos tres porquiños. O obxectivo principal deste taller era fomentar a creatividade individual da rapazada mediante a elaboración de maquetas de casiñas empregando diversos materiais. Foi unha tarde divertida na que os cativ@s deixaron voar a súa imaxinación.

.         

Charo Pita achegouse ate Mondariz Balneario para facer unha contada coa cativada máis pequerrecha da vila.  “Da cabeza aos pés” foi a actividade do programa Ler conta moito coa que brincaron, cantaron,  fixeron rimas e pasaron unha mañá ben divertida.

Quedamos encantadas coa visita de Charo e coa súa contada. Actividade moi recomendable para bebés

O xoves 22 de xullo desfrutamos en familia dos contos do gato de Bandullo azul. Un contacontos moi divertido e cargado de cores e humor.

O venres 16 de maio, con motivo das letras galegas desfrutados do obradoiro de “polo correo do vento”, unha mestura de canto, debuxo e narración oral. Os nenos e nenas puideron cantar e tocar os diferentes instrumentos e finalmente colgaron o debuxo das cantareiras no cristal da biblioteca para desfrútalo durante todo o ano.

Unha tarde muy divertida na que puidemos gozar da nosa tradición oral.

O pasado mércores, 21 de maio  ás 12.00h, achegouse un ratiño que lle encanta o queixo e os contos ata a Casa da Cultura.
Preto de 100 nenas e nenos puideron desfrutar da actividade progrmada dentro da Semana do Libro e das Letras. Encantoulles as cancións de David Pernas de Trinke Trinke teatro e os seus títeres.

O Mago Paco coa sua maxia, contos e xogos, conseguiu unha proposta fantástica que dinamizó o espazo lector e aseguró un espectáculo divertido, implicando a os nenos nun mundo de maxia, contos e ilusión, sempre acompañado do factor sorpresa que fixo as delicias de todos os presentes.

O pasado martes a rapazada pasou unha hora moi entretida con Montserrat Rivera, que lle contou de forma mui amena de divertida que pezas tiña a roupa dos nosos devanceiros.

Como recordo puideron sacar unha foto para ver que ben lle queda o noso traxe tradiccional.

O pasado venres 23 de maio celebramos na Axencia de Lectura de Domaio as Letras Galegas coa Xanela do Maxín. Cun esspectáculo que, a través do uso de diferentes técnicas: narración oral, proxeccións holográficas, música ou teatro de obxectos, pon en valor o legado das mulleres excepcionais homenaxeadas no Día dás Letras Galegas, desde Rosalía de Castro ata as cantareiras.

Fran Rei presentou o seu espectáculo de “O conto de Barriga Verde”, no que mezcla narración oral, humor e maxia, unha historia que demostra a fortaleza do amor verdadeiro.

O mago Paco veu As Neves este domingo 25 ás 19:00 para realizar o seu Contamaxias para os nenos e nenas das Neves. Que ben o pasaron coa súa maxia diveretida!