Este mércores 22 tocoulle a Paiosaco con Manuela contacontos , un gatiño miu divertido co que xogamos, interactuamos e escoitamos historias moi interesantes.

Para celebrar o día do Libro, veu contar á Biblioteca Infantil, Marcos Dios Aguado, trouxo Historias de Monicreques cas que invita a apagar as pantallas e entreterse ca lectura

O mago Pedro Bugarín chegou á biblio de Berdeogas cargado de xogos de maxia que a rapazada aprendeu con moito interese.

Foi un obradoiro de maxia moi práctico, moi divertido e totalmente dirixido a incentivar a participación e o desexo de seguir aprendendo máis cousas do mundo da maxia.
Moi recomendable.

A pasada semana Pedras de Papel visitaba a nosa ALM de Dumbría.

Electra tróuxonos un taller creativo moi entretido.

A rapazada adentrouse no apaixoante mundo da escultura con papel realizando o seu propio animal en 3D.

Actividade moi recomendable!

Estefanía Padullés estivo na biblio para ensinar ás nenas e nenos a crear o seu propio cómic.

Foi unha actividade moi entretida e creativa.

Contamos contos de Lobos? inundou de bo humor e moitas risas a Biblioteca Pública de Melide “Xosé Vázquez Pintor”. As nenas e nenos dos tres centros escolares do municipio puideron desfrutar e participar na interpretación de tres contos clásicos: A caperuchiña vermella, Os tres porquiños e Os sete cabuxos.

Foi unha magnífica actuación na que o público riu a esgalla.

Actividade para bebés na que se conxugan efectos visuais con  música e narración logrando manter a atención durante a media hora que dura o conto. Traballanse as emocións.

O pasado venres 17 de abril pasámolo xenial! Agradecemos a asistencia e implicación do público adulto e infantil. Quedamos encantados coa marabillosa Xiada Sanlés Míguez.

Grazas por facer Biblioteca : )

Este sábado 18 de abril tivemos o pracer de contar con Trémola Teatro cun contacontos de bebés moi bonito e entretido, no que nos enseña a validar as diferentes emocións. Un contacontos cheo de música, pompas de xabón, xogos e contos para os máis pequenos da casa.

A Biblioteca Municipal de Coristanco acolleu a actividade “Risotadas”, dirixida á primeira infancia e ás súas familias, dentro do programa Ler conta moito. Durante a sesión desenvolveuse un espazo acolledor de exploración sensorial, xogo e primeiro achegamento aos libros, favorecendo a participación activa dos bebés e das persoas adultas acompañantes. A actividade permitiu compartir un tempo de lectura, descubrimento e vínculo arredor da biblioteca, cunha resposta moi positiva por parte das familias asistentes.