Na Praia Fluvial de Tapia, que mellor escenario, gozamos co cociñeiro Antón e a pasteleira Tomasa na busca do mellor chocolate. Ademais despois o público elaborou os seus propios petiscos de chocolate. Que ben o pasamos!

Fermoso espectáculo narrativo e musical que trascende as xeracións e na que o público máis pequeno participou activamente creando unha tarde máxica.

Rocío Couto axudounos este ano a celebrar o Día do Libro. Durante unha hora e media a biblioteca encheuse de carreiras de rapaces en busca do misterio agochado entre os nosos libros. Unha actividade ideal para aprender sobre a organización do noso fondo.

Con motivo das Letras Galegas visitáronnos Cris e Jean. Os rapaces e rapazas que viñeron celebrar na biblioteca este día tan especial aprenderon o funcionamento da imprenta e elaboraron un fermoso fanzine sobre a vida e obra de Florencio Delgado Gurriarán.

A biblioteca traslada as súas actividades no verán á praia fluvial de Tapia, co programa Seráns en Tapia.

Nesta segunda sesión contamos coa actuación de Charo Pita que fixo as delicias dos mais cativos cos seus contos, que como sempre nos fan participar a todos e disfrutar dunha tarde de historias contadas e cantadas.

A biblioteca traslada as súas actividades no verán á praia fluvial de Tapia, co programa Seráns en Tapia.

Nesta segunda sesión contamos coa actuación de Vero Rilo e Sonsoles Penadique que coas súas narracións animaron ao público adulto con fermosas historias de mulleres, acompañadas de música que nos encandilou.

O día 22, na biblioteca de Bertamiráns, os rapaces que participaron no obradoiro de Xandobela demostraron ser uns especialistas na vida e obra de Xela Arias. A través de probas e retos escondidos por toda a biblioteca completaron o seu encrucillado sobre Xela e conseguiron o seu diploma!

Un interesante documental que nos deu pé a unha interesante reflexión sobre a poesía galega contemporánea e ao importante papel das autoras dentro deste panorama literario, a través dun productivo coloquio.

O venres día 16 os rapaces e rapazas que participaron neste obradoiro escirbiron un conto identificando as pezas narrativas clásicas: introdución, nudo e desenlace e acabárono plasmando nun marcapáxinas. Os resultados foron abraiantes!

Seis adultos que nos acompañarono onte á tarde participaron nun interesante obradoiro que nos fixo reflexionar sobre os roles de xénero na literatura infantil e achegáronos alternativas baseadas envalores positivos, igualitarios e que fomenten a prevención da violencia xénero. Así revisamos moitos contos e axudáronnos a facilitar a escolla de materiais literarios desde unha perspectiva de xénero.