Dan man de Montse Rivera poidemos disfrutar do obradoiro no día de onte ” Cóntoche un baile”. Actividade na cal dende  os máis cativos ata os maiores disfrutaron do bo facer da artista.

A través do marabilloso invento da cinecleta coñecemos cousas moi interesantes: cousas sobre o cinema, sobre as illas Atlánticas e vimos e escoitamos preciosos contos. Unha actividade completa que fixo as delicias de todos os que asistimos.

Este pasado sábado, 12 de setembro, ás 11:30 h, maiores e pequenos puidemos gozar co concerto musical que nos achegou Magín Blanco ás Bibliotecas de Carballo.

Neste espectáculo deleitámonos con cancións moi agradables, que facían mover o noso corpo con ritmos suaves de jazz. Un espectáculo que varias familias decidiron aproveitar de maneira presencial vindo á biblioteca, sempre respectando as medidas de seguridade que se organizaron; e co que moitas outras puideron gozar desde as súas casas, pois Magín tamén nos ofreceu a posibilidade de facelo en streaming a través das nosas redes sociais.

Desde a Biblioteca de Carballo recomendamos esta actuación, que tivo moi boa acollida por parte do público.

Gracias por deleitarnos coa música que levas dentro da maleta, Magín!

Magín Blanco e a súa maleta

O venres 11 de setembro  estiveron  María de “Encanto” e a súa cadeliña na nosa biblioteca. Cantas cousas aprendemos. “Había unha nena que sabía moito de cans…” foi todo un éxito! Coma sempre, o mellor foi o público infantil. 

O día 27 de agosto “Brais das hortas” visitou a Biblioteca Pública Municipal de Irixoa e  contoulle aos asistentes unha chea de contos que traia nunha maleta. Os nenos e nenas pasárono en grande!

O Mago Paco estivo na Biblioteca de Caldas de Reis co seu espectáculo onde a participación, gardando as medidas de seguridade, os contos e a maxia puxeron o colofón a unha semana chea de actividades.

Comezamos as actividades do programa Ler conta moito 2020 coa visita de Títeres Cachirulo e o seu espectáculo ” A cabeza do dragón”.

Os nenos e nenas gozaron dun espectáculo de marionetas moi divertivo e que lles fixo manter a atención todo o tempo. Unha obra áxil e moi entretida  para os pequenos e non tan pequenos.

Pasámolo moi ben!!

O luns 31 de agosto, Albert fíxomos creer que a máxia existe.

Así de atentos e concentrados estivemos o longo dunha hora de espectáculo.

O martes 18 de agosto as 11:30 horas estivo  Iria contándonos a historia dunha nena pirata que logra todo o que se propón.

O pasado martes 25 de agosto, tivemos o pracer de ter a actividade Estrafalaria na Biblioteca Municipal de Ponteareas a cargo de Atenea García (Xarope Tulú).

Unha actividade con varios contos para a igualdade de xénero, onde os cativos aprenderon que na dita sociedade non sempre é o mellor para nós, e que, ser distintos ós demáis, non é nada malo senón máis ben ó contrario. As rarezas fannos especiais e temos que aprender a valorar ó seu lado positivo. Un contacontos áxil e moi participativo cos cativos.