O pasado xoves 17 de outubro os nenos e nenas da biblioteca do Milladoiro puderon gozar dos contos e cancións cos que nos agasallaron Pavís Pavós.
Bruxas e animais axudáronnos con música e cancións a desfrutar de contos populares e tradicionais.
Pasámolo xenial.
O pasado venres 18 de outubro na biblioteca municipal poeta Lois Pereiro de Monforte de lemos tivo lugar unha sesión de contacontos que mantivo o interés de 160 nenos e maiores que encheron o salón de actos da biblioteca, dentro da progamación de Ler Conta moito contra a violencia de xénero.
Brais das Hortas e a súa compañeira contaron, tocaron instrumentos e cantaron para deleite dun público entregado que disfrutou coas historias de Carolina, do lagarto da saia da Carolina, da elefanta sabia, dos xigantes… O final participaron das historias e entenderon a mensaxe de igualdade e solidaridade que se desprende de cada unha delas.
Nova sesión de Tardes de Contos e Lendas na BPM de Ordes. O venres 18 de outubro a nosa actividade foi un éxito!
O venres 18 realizouse un programa de radio, en directo, desde a Biblioteca.
“Radio Bulebule transmitindo para o mundo en linguaxe universal”!
Axenda cultural, música, moda, coa información das últimas tendencias… E música, moita música co extraordinario Paco Nogueiras. Pelos, melena, melena, pelos!.
Non faltaron as chamadas dos ouvintes que pedían cancións… Movendo a perna, movendo o pé!…
Tamén houbo un oco para a ciencia, coa canción correspondente.
E como non, o concurso de Radio Bulebule, cunha gañadora entre o público.
Ademais, a sección de deportes, o tempo.
Unha tarde xenial!!!
O xoves 17 tivemos bebés na biblioteca. Visitounos Carlos Coira para facernos disfrutar de contos, maxia, clown, xoguetes que se moven, avós que varren, bebés que gatean…
Un percorrido polos sentidos, vimos, escoitamos, tocamos, cheiramos… Todo dentro dun contexto teatralizado e xogando sempre a sorprender. Tamén cantamos!
Rematamos con moitos libros pola alfombra, para tocar, ver , escoltar, ulir…
Rematamos có programa Ler conta moito 2019 na súa categoría de Igualdade e Violencia de Xénero coa visita de Migallas Teatro e o seu contacontos “Elas pintan moito”.
Esta vez disfrutaron as nenas e nenos de 3º, 4º e 5º de educación primaria do CEIP Padre Feijoo de Allariz.
Gozamos dunha sesión de contacontos a partir da obra de diferentes pintoras onde se abordan a cuestión da igualdade entre homes e mulleres en todos os ámbitos da vida. Todo isto acompañado de música, moito humor e dun xeito moi participativo.
Pasámolo moi ben!!
Onte Trinketrinke fíxonos pasar un bo rato coa súa versión do conto clásico e a divertida colaboración do público na posta en escena.
O xoves 17 de outubro ás 12 da mañá Mere Clow chega á biblioteca municipal para contarlle a máis de 120 nenos e nenas de 8 anos a verdadeira historia de Hamelin. Durante 50 minutos os pequenos escoitan con moita atención a historia que lles contan e na que participan activamente. Cando remata a función aplauden e amosan a súa satisfacción.
O mércores 16 de outubro visitaron a biblioteca Tomasa a cociñeira e Antón que representaron a obra ” a cabaza encantada2, logo @s asistentes coñeceron a pelota da igualdade e da diversidade , para rematar cun obradoiro de cociña onde se desfrutou coas galletas en forma de araña e vampiro. Unha gran actividade .
O martes 15 de outubro, chegou a Biblioteca de O Froxel, “Fco. A. Vidal”, David Merelas con “Contos do Avó”.
Mere Clown, lembrou de xeito divertido, moitas lendas de Galicia, por exemplo, contou a lenda de galo de Barrañán, que se remonta a tempos prehistóricos. Fala de que un galo entrou na furna de San Xián de Barrañán e, monte arriba, non parou de subir ata que saiu á luz nunha fonte que había nun lugar que, desde entón, se denomina O Galo. Tamén nos falou da Torre de Hércules. Segundo a lenda, o lendario héroe grego veu na busca do xigante Xerión. Para conmemorar a súa vitoria construiu sobre o túmulo, unha torre-faro e nas proximidades deste fundou unha cidade á que lle deu o nome de Crunia, como recordo da primeira muller que habitou este lugar e da cal o héroe se namorou. Os nenos disfrutaron e participaron moito.
Séguenos